Kay rimanakuypika Mamallaktapi kapukyachinata, mintalayman yaykuna, rikuna hawa rimanakuyka karka.
Shinami kallari Emprendimiento e Innovación rimanakuyka karka, shinami alli yuyaykunata surkurka, llaktaman chayachun mañarka.
Kaypika 31 kamachiy killkakkuna rimarka, kaykunata chay Comisión del Desarrollo Económico tantarimi allichinka, shina ishkaykutin rimanakuypak yaykurinka.
Kay Augusto Espinosa, kamachiy killkak, mayhan ishkay atinakuyman pushak, mana mushuk llankaykunata rikuna, unipak tiyachunpash rikuna nirka, chaypak wakin ruraykunata rikuna kan nishpa charirayarka, murukunata alli chanipi katuna, ama shuk kapukkunata hapichun chapana.
Llakika, mintalay wachupi kan, Fafo Gavilánez kamachiy killkak rimarka. Pay kamachiy killkakpak yuyaypika, hatun kamachikmi kapukkunata rantina kan, mushuk llankaykunata wiñachikpak mitachi kanka. Uchilla llankak wasikuna, Mamallaktapi tiyak llankak wasikunata llakichinka.
Rimanakuykunamanta mushuk yuyaykuna llukshirka, imashinami Marcela Cevallos kamachiy killkak. Shinallatak Silvia Vera, kamachiy killkak kawsaytarpuy mushuk llankayta mirachina nirka, chaykunata Gobiernos Autónomos Descentralizados kamachikkuna yanapanka, paykunami ayllullakta raymita, takikuna pusharichun yanapanka nirka.
Katipika Wilma Andrade kamachiy killkak, mushuk llankakkuna Registro Nacional kipupi killkarichun mañarka, chaypakka pichka wata llankayta, 49 llankakkuna mana urayman charichun nirka, shinallatak 100 waranka dólar kullkita charichun nirka, kay Fomento Productivo kamachiypak Capítulo II rimashkata paktachichun mañarka. Chaypika 12 watakama Exoneración de Impuesto a la Renta kullkita mana kuchun, chayta paktachichun rikuchirka.
LILA/jc-kichwa
