Chay Comisión de Gobiernos Autónomos minkashka chay Cantón la Libertad kitipushak Víctor Valdivieso kamachikwan, kamachikkunawan, pushakkunawan tantarirka.
Paykunaka Santa Elena markapi, Salinas kitipak, shuktak kitipak saywakunata allichichun mañarka, kipaman shuyachun nirka.
Chay Valdivieso kiti pushak, 2015 watapi, ayriwa killa, 8 puncha, rikuk kamachikkunata churarka, paykunaka Velasco Ibarra 6 uchilla suyuman yaykurichun churarka, chayka 21 kiti ayllu llaktakunami yaykurin, La Libertad kitipash chay ukupimi sakirin nirka. Shinami Registro Oficial kipupi mana killkakpika chay llaki mana pitirinkachu, rimarka.
Shinallatak chay kitipushak, Eva Autheman, Sebastián Valencia, Julio Paladines kiti ayllullakta pushakkuna, kay saywa llakikunaka hayñita paktachinkapa, tiksi mitachita charinkapa, tukuylla llankayta hapinkapa harkarin, shinallatak wasita, allpata rantishpa kikinpak shutichinkapa harkarin, rimarka.
Kay Minkashkaman kamachy killkakkunamanta yapa, chay Santa Elena markamanta kamachiy killkakkuna: Jimmy Candell, Carlos Cambala, Byron Zuquilanda, Washington Paredes kamachiy killkakkuna chayamurka, paykunapash chay llaki pitirichun yanapankapa arinirka.
Tukuy kamachikkunami chay Ley de Fijación de Límites Internos mushuk kamachiyta killkankapa, katinkapa shuk arinishka pankata killkarka. Imashina llakita pitinata yanapankapa markapi tantarinatapash rimarka, chaypi shuti aspita ruranka. Chay panka yuyarita paktachinkapa kamachiy kanka, shinami kiti, shulka kamachikkunata, Asociación de Municipalidades del Ecuador kamachikkunata kayashun, Héctor Yépez, Minkashkata pushak rimarka.
LILA/ea/jc- kichwa
