Kay Grupo Parlamentario de Prevención y Erradicación del fenómeno de Drogas tantari, Ministerio de Salud Pública (MSP) kamaywasi, kay Mecanismo de Evaluación Multilateral hawa rimarka.
Chaymanta Informe de Evaluación de Políticas de Drogas en el Ecuador hawa riksichirka. Kay kamaykunata rikuchikpi imashina muspachik hampi mikuy kay Mamallaktapi kakta rikuchin.
Kamachik María Mercedes Cuesta kamachiy killkak, Grupo Parlamentario tantarita pushak, muspachik hampita llaktayukkuman katuymi Mamallaktapi shuktak kapukkunata rantinapi, katunapi harkakta rikuchirka.
Chayta harkankapa kamachikkuna, kamaywasikuna makita kushpa llankanata yuyachirka, shina llaktayukkuna ama musparichun ama unkuchun harkanka, llakikunata ashayachinka.
Kay rimanakuypi Ronald Cedeño, Gobernanza y Vigilancia de la Salud del MSP kamachik karka, payka kamachiy killkakkuna kay llakita anchuchinkapa arinishkata riksirka; tukuylla llaktayta riksirka. Kay Mamallaktamanta hatun kamachikkuna, shuktak llaktakunapak yanapayta hapishka kay llakita anchuchinkapa tukuylla llaktayta wallpana nirka, chay hillaywan sinchita llankana nirka.
Willayta rikuchin
Kay Grupo Parlamentario para la Prevención y el Tratamiento Integral del Fenómeno de las Drogas tantaripash chay, chay Informe Nacional 2019 del Mecanismo de Evaluación Multilateral de la Comisión Interamericana para el Control del Abuso de Drogas (CICAD) willayta chaskirka, chayka Organización de los Estados Americanos (OEA) mama tantarimanta shamurka.
Kay Sofía Kosmas, CICAD kapak kamachik, chay Informe de Evaluación de Políticas de Drogas willaytaka, tantariman yaykurishka Mamallaktakuna imashina llankakukta riksinkapami karka, kayta riksishpa kamachikkunaman imashina harkanata yachachinkapami kan, rimarka.
EA/jc-kichwa
