Kay llankay yuyaripi mushukyachina, Chile llakwan kamaypi yuyarikuna, chay Convención contra el Racismo yuyari, chay Alimentación Escolar kamachiy, Fortalecimiento y Desarrollo de la Palma kamachiymi Mamallaktapak hatun rimaykuna karka.
Kay Sistema Nacional de Contratación Pública kamachiyta achiklla allichina hawa kamachiy killkakkuna shuklla yuyayta charirka.
Chaymanta kay yuyarikunata rurashpa, shuktak kacharishka llankay yuyarikunata rurashpa achka shuwaykunata rurashka, chaytami harkana kan, kay kamachiyta allichishpa hatun shuwaykunata harkanka.
Shinallatak kay allikawsayta, alli mikuyuyta, awki mikunata mikushpa, wawakunapak, imillakunapak achka mikuy tiyachun kamashpa chay Alimentación Escolar kamachkyta kallari atibnakuyta pusharka, chaypi kamachiy killkakuna alli yuyayta charirka.
Inayu tarpuy llakita yanapana rayku kamachikkuna shuk mushuk kamachiyta churankapa yanapashpa katin, chaymanta Para el Fortalecimiento y Desarrollo de la Producción, Comercialización e Industrialización de la Palma y su derivados kamachiyta achkakutin kamachikkunawan, kullkita charikkunawan, katukkunawan, hatun kullkiyukkunawan rimanakushpa shamun. Chay San Lorenzo llaktapak tantarita pushakkunawan rimanakushpa paykunapak yuyayta hapirka.
Shinallatak Ecuador llaktawan, Chile llaktawan runakunaman alli kamay charinka hatun yuyarita Mamallakta Tantanakuy hunta rimanakuypi arinirka, ishkantin Mamallakta makita kushpa llankankapa shuklla yuyaywan kamachiy killkakkuna makita hawaman churashpa arinirka, ista llaktakuna mana ñukanchikpak Mamallaktata Takachun, kasilla kawsayta charichun ciberdefensa kamayta, ciberseguridad kamayta churanka, chayka: taripankapa mushuk wiñarinka, achiklla sumak ruray kanka, shinami pampata, wayrata antankawan chapanka.
Shinallatak chay Universidad de Agricultura de Beijing yachana wasipi ñukanchik llaktapak tarpuyta yanapak kamachiykunata chay Wang Yang y Wang Chen, Comité Nacional de la Conferencia Consultiva Política y de la Asamblea Popular hatun pushak kamachiyman Ecuador llaktamanta Mamallakta Tantanakluyta pushak riksichirka; kay Ecuador llakatmanta, chimpa China llaktapi yachakukkunawan shuk tantaritapash charirka, paykuna alli yuyaykunata surkurka.
MG/ea/jc-kichwa
