Mamallakta Tantanakuy chay Comisión de Régimen Económico tantari rimashka, Mamallaktapi kullki llikapi yanka kullkita hapikushkata harkana kamachiyta atinakunka.
Shnami kullkiwasiman yaykurishka runakunata yanka kullkita kichushkatami rimanakunka, kaytaka kamachikkuna mana arinishkami kashka.
Kay Esteban Albornoz, Henry Cucalón, Juan Cristóbal Lloret, Pabel Muñoz kamachiy killkakkuna, yallik kamachiy killkak Esteban Bernal churashka pichka kamachiykunami kan, shinami Para Evitar Abusos de las Entidades del Sistema Financiero Nacional kamachiytapash kallari atinakuyta charinka.
Kay kamachiywan chay Código Orgánico Monetario y Financiero kamachiyta, kay Defensa del Consumidor Hatun Kamachiyta, Telecomunicaciones hatun Kamachiyta, shukata kamachiykunatapash allichinaman pushakun, kullki wasipi kullkita charik runakuna kullkita kichushkamanta kay kamachiyta allichinata mañashka kan.
Kay kamachiywanka chay Superintendencia de Bancos kamaywasi, tukuylla kullki wasita, chukpaklla kullkiwasita pushak kamachiykunata rikuchun, chapachunmi mañan. Kay llankakkuna tukuy achka runakuna shuyashka kachunmi shuyan, kamachiywan rikuna kachun, Sistema Financiero Nacional llika ukupi wakin kullki kamachikkuna kullkita kullkiwasipi runakunata ama llakichichunmi harkanka.
Shinallatak Junta de Política y Regulación Monetaria y Financiera kullki wasita kamana, ukllayta nikina, chapana, rikuna llaktayta tukuy kullkiwasiman churanka, kullkiwasip charik runakunapak, rantik runakunapak, mikuk runakupak hayñitapash ukllana, kamana kanka, shnami kay llankaykunata hawaman pushanka.
JLVN/ea/jc-kichwa
