Kay Comisión Ocasional de Tránsito tantari, Marcela Holguín, kamachiy killkak rimashkata uyarka, paymi Transporte Terrestre kamachiy allichirichun mañarka.
Payka tukuy antawapi purikkuna chumpirishpa purichun mañan, mana shinakpika wanachishka kanka.
Shinami kay kamachiy antawa sinkukpi runakuna ama yalli wañuchun, chukririchun harkanka, runakuna llakirikpi achkata kamanka, ancha kakpika hampirichun pushanka.
Kay Código Orgánico Integral Penal kamachiyka, anta purichik, antawapi purik runakunata chumpirichun mana mañakpika, payta wanachinatami rikuchin, mana chumpirik runakunatapash wanachinatami riksichin. Mayhan antawapi purishpapash kamak chumpiwan chumpirishka purichunmi kamachiyka mañan.
Kamachiy killkak, ñan llikapi kayna 2018 watapika, 25.830 runakunami wañushka rikurin nirka, shinami 80% patsakri, Agencia Nacional de Tránsito (ANT) rikuchishka: Guayas, Pichincha, Azuay, Tungurahua, Manabí markakunapi yalli wañushkata willan.
Kay Ecuador llaktapika, kunan wata, kulla killamanta, karwa killakama 2.151 runakunami anta sinkukpi wañurka, shinallatak 16.262 antawa takarikpi wañurka, antawa takari pacha, 1.383 runakuna wañurka, 13.127 runakuna chukririshka sakirirka. Kayka hatun llakimi kan, kamachiy killkak rimarka.
Kay Marcela Holguín kamachiy killkak, antawa pushakkunata nima pachapash mana llakimanta mana kayashka kashpaka, paykunaka kullkiwan mana wanachishka kankachun nirka. Chay yuyay Kamachiypi killkarichun, 179 nikita wiñachina nirka: “antawa purichik kayashka pankata hapishka kashpa” huchata charinka.
JLVN/ea/jc-kichwa
