Mamallakta Tantanakuy ishkay minkashkata churanka, shukka Mamakamachiy allichinata, shukka wayru killa 02 punchamanta, 13 punchakama Mamallakta shayarita taripanka, mincha kulka puncha, 11:00 sayllata churanka.
Kay Corte Constitucional kamaywasi, Mamakamachiyta allichichun ñanta paskarka, kipaman llakikunta tiyashkata riksinkapa taripanka.
Chayta hapishpa Mamallakta Tantanakuy kay Mamakamachiy allichina llankayta ñawpakman pushanka, chaypimi Consejo de Participación Ciudadana y Control Social (Cpccs) kamaywasi imatalla llankanata rikuchinka, hatun chapak kamachikkunata Mamallakta Tantanakuy akllachun churanka.
Ishkayniki yuyarita pushankapa, sarun wayru killa, 16 puncha, Comisión Multipartidista Ocasional tantarita churankapa arinirka, chay tantari Mamallaktapi llaktayta chapachun, llankayta katichun churanka, runakuna paypak hayñita pakikpi, chayta pichachun mañashpa tukuy llaktakuna hatarirka, chay kaparikuna, atikuna Mamalñlaktata takayshina rikurirka, chay llakikunata rimanakushpa allichinaka.
Chay kaparikunaka Mamallakta Pushak, runakunapak mañayta mana uyashpa paykunapak hayñita pakikpimi, llaktakuna ñankunaman llukshishapa kaparirka, chaypi makanakushpa wañuykuna, chukririkuna tiyarka. Chay llakita hapishpa shuwakuna wasikunamanta katunakunata, kullkita, ima tiyashkata shuwarka, chay llakikuna, kaparikuna sakirichun chawpik kamachikkuna shayarishpa ishkantin manyamanta kasikyachirka.
Taripak minkashka churankapa kamachiy killkakkunaka, kay Consejo de Administración Legislativa tantari hapishpami Asuntos Constitucionales y Multipartidista de Investigación tantarita churarka, paykuna imashina llaki kashkata riksinkapa taripaykunata ruranka, kipaman Mamallakta Tantanakuy ukupi atinakunka.
LILA/cz/jc-kichwa
