Kay Comisión Ocasional Multipartidista tantarimi Ecuador llaktapi, Mamallakta pushak 883 kamachiyta churakpi runakuna kaparishkamanta llakikuna willayta chaskirka.
Kay tantaritaka; wayru killa, 16 punchapi, tantarita wiñachirka. Kay willaytaka Mamallakta Tantanakuypak rimanakuypi riksichinka.
Willaytaka Yaku Pérez Guartambel, Azuay marka pushakwan kallarirka, payka, kay Decreto 883 kamachiyta, Mamallakta Pushak churashpa runakaunata llakichishkamanta rimarka. Shinapash 11 punchata kaparishkamanta takay, wañuy tiyashkamantaka, runakunata anchuichirk, chayta rurakkunaka wanachishka kanka nirka.
Shinallatak minkashkakuna Jhajaira Urresta, La Tola kiti ayllullaktamanta willarka, paykuna “Cacerolazo por la Paz” mulupi, mankapi waktashpa kasillata mañakpi, chapak awkakuna, wakachik waksita shitarka, lluki manya ñawita chukrichirka nishpa willarka. Chayka wayru killa, 12 puncha tukurka, kay llakipi Mamallakta imatapash mana yanaparka nishpa willarka.
Shinallatak, Jhoana Orbe, Acción Jurídica Popular tantarimanta shamuk, shuk tantarishka kamachiyta yachakkuna, Mamallakta Tantanakuypi kimsa kaparikkunapak huchata paykunapak makipi charin nirka, paykunaka antanka tiyarina Tababela llaktapi, Contraloría wasita rupachik runakunakuna kan nirka. Yanka huchachishpa hapishka, imashina llakita katinamanta kanchaman kan nirka.
Shinallatak Inés Ortiz, Juan Carlos Palacios, Corporación Floricultores del Sur tantarimanta shamuk, Ecuador llaktamanta runakuna, kaparikkuna llakichishka kan nirka. Chay Cotopaxi markamanta pukuchikkuna llankachun harkashka llakirishka karka. “Llankana hayñita harkarka”, Ortiz willarka.
Shinallatak, Santiago Vargas, Cámara de Industrias de Tungurahua llankak wasita pushak, runakuna kaparishkamanta piñarishka kani nirka. Chay markapi ashalla chapak awkakuna tiyan nirka, kay “avalancha” kaparita, shuwayta kamaywasikuna harkarka. Tungurahua marka, 11 puncha kaparipika 140 hunu dólar kullkita chinkarka, nirka.
Kay Joicy Soto, Grupo Socorristas de Paz hampiwan yanapakkuna, kapari punchakunaka 4050 chukririshka unkurka nishpa riksichirka. Chaymanta 30 hampik tantarikuna yanaparka, sapan tantaripi, 10 hampikkuna karka, paykuna hampikkuna, utkahampik, yanapak, hampikta yanapak, hampinata yachakukkuna yanaparka. Awkakuna chapakkuna wakachik waksita, uchilla piruti wan chukrichirka nishpa willarka.
SV/cz/jc-kichwa
