Mamallakta Tantanakuy wayru killa, 02 punchamanta 13 punchakama Mamallakta llankay shayarishka willayta riksinka.
Chaypak kaya puncha, 15:00 sayllata rimanakuy kallarinka. Kay willayta Comisión Ocasional tantari killkashka, kay pankaka 10 tukuri yuyayta charin, 9 minkaykunata charin.
Kay riksinata charik kamachikkunaman kachanka, kipaman paykuna imashina wanachinata, kishpiychinata rikunka.
Kay tantarishka, wayru killa, 2 puncha Decreto Ejecutivo 883 churashka kamachiy yaykurishkamanta rupana yakupak chani wichiyashpa runakunata, kamachikkunata llakirishkamanta llaktakuna, kitikuna, shulkakuna ñankunapi kaparikpi awkakuna, chapakkuna takashka runapak hayñita wakllichishka willayta chayachinka.
Shinami kay takaykunaka kawsayta, allikawsayta, llankayta, purinata, rimanata, kullki hayñita llakichirka. Shinallatak wañushkapak aylluta, chukririshkata, yanka hapishkakunata, kasilla kuskakunata takashkamanta hayñikuna wakllirirka. Wakin huchakunata taripana nirka, imashinami Contraloría wasita rupachishkata, ayñikunawan takashkata rikuna nirka.
Shinallatak willana hillaykunata, willakkunata takashkata supaychana nirka. Awka kamachikta pay mana munakpi hapishkamanta, warmi chapakman chayarishkamanta supaychana nirka. Shinallata runa kashkamanta, istaruna kashkamanta tsiknishkata supaychana rimarka.
Shuktak manyamantaka, Centro de Inteligencia Estratégica kamaywasi willankapa kay llakita rikuk tantariman mana shamushkamanta mana alli rikurka, paykuna willayta mana willanalla, wakaychishpa charina llankayta pushak kashkamanta willankapa mana shamurka.
LILA/cz/jc-kichwa
