Kay Mamallakta Tantanakuy 644 yupay tantariwan, Mamakamachiypak 272 nikita allichirka.
Shinapash chusku nikita mirachinka, chaypak Corte Constitucional arinishkata katina, shinami alli kamachiy tiyarinka.
Manarak rimanakuy kallarikpi, Elizabeth Cabezas Guerrero, Comisión Ocasional tantarita pushak, Mamakamachiyta allichina hawa rimarka.
Chaymanta, kay llankayta 30 punchapi tukuchina karka, chay llankayta pushachun Mamallakta Tantanakuy kurka, chaymanta kallari atinakuyman mushuk kamachiy yaykurinka.
Paymanta, Jeannine Cruz, willayta churak, kamachiy killak, markapi kawsak runakunaman paktakayta chayachina hawa rimarka, chay runakunaka sukta hunuman chayan, paykunamanta chusku hunumi wakchayashka, yapa wakchayashka kan, paykuna yachayta, kullkita, allikawsayta, payman mutsurishkakunata mana charin, nirka.
Kamachiy killkakkuna, Rafael Dávila Egüez, Loja markakamachikta, Edwin Miño, Consorcio de Gobiernos Autónomos Provinciales (Congope) kamachikta uyarka. Kunan tiyakkunata rakishka uchilla markakunata llakichin nirka, ñan kamachiyta rikukpika kamachikkunami kallaripi churashka kullki yanapaykunata chayachina kan nirka.
Kay atinakuypi 10 kamachiy killkakkuna rimayta charirka, chay ukupi Elizabeth Cabezas, Jeannine Cruz kamachiy killkakkuna rimarka. Tawkakuna uchilla markakunaman kullkita kachachun mañarka. Wakinkunaka kitikunaman, shulkakunaman kullkita ashayachina nishpa, yuyayta kurka.
EG/cz/jc-kichwa
