Mamallakta Tantankuy 81 apuchiwan Wayru killa, 2 punchamanta, 13 punchakama Mamallakta Llankay shayarishkamanta shuk willayta arinin.
Shinami, chay llakimanta Comisión Ocasional minkashka Mamallakta shayari punchakuna Hatunkamachik tuputa churashkata katishka, kamashka.
Ashtawankarin, Mamallakta Tantankuy llakta ushayta yanapashaka kutintak arinirka.
Shinallatak Mamallakta hayñita charishpa katikta arinirka, chayka Mamallakta runakunaman mana allita llankakpi, mana alli arinikpi, llakikunata rurakpi llaktakuna, ayllkuna, runakuna ñankunapi, kamaywasikunapi kaparinaka paykunapak hayñimi kan.
Mamallakta Tantankuy tukuy llakta ushayta yachakkuna yuyarichun, tantarikunata, runakunata tukuymashka alli yuyayta charichun mañarka. Kamachikkuna llakta runakunawan llakita charishkata, mana hamutarishkata, takarishkata, llakichishkata, hatun huchata charishkata chaypilla sakishpa, rimananakuyman yaykurichun mañan, chaywan Mamallaktapi kasilla tiyachun mañarka.
Kay arinishka pankapika Mamallakta Tantanakuyta pushak, chay: Funciones Ejecutiva kamaywasiman, Judicial kamaywasiman, Transparencia y Control Social kamaywasiman, Electoral kamaywasiman, Fiscalía kamaywasiman, Procuraduría kamaywasiman, Defensoría del Pueblo kamaywasiman, paykuna Mamallakta Tantanakuy taripashka, arinishka, minkashka willayta hapichun, kaywan taripashpa katichun mañarka.
Tawka kamachiy killkakuna, kay willayka Mamakamachiywan, istakamachiykunawan, Derechos Humanos kamachiywan kimirishkami kan nirka. Ñanshina willay mana kanchu, imashina huchakuna, llakikuna kashkata rikushpa killkashkami kan nirka. Hatun kamachikkuna, llaktakunawan, llakirishka runakunwan rimanakuyta charichun, kasilla kawsayman haykurichun mañarka.
JLVN/cz/jc-kichwa
