Mamallakta Tantanakuypak kallari atinakuypi, Mamakamachiyta mushuyachinata rimarka, chaypi Consejo de Participación Ciudadana y Control Social (Cpccs) kamaywasipak apuyta saywarka, shinami Mamallakta Tantanakuyman apuyta kutintak tikrachirka.
Tiyachishka hatun kamachikkuna huchata charikpi, llankayta mana paktachikpika kay 14, 15, 16 yupaykunata hapishpami llankaymanta surkunka.
Kamachikta akllaykunapika kari warmi pakta pakta kachun akllanka, paykunami tukuy Mamallakta rikushka llankanka.
Kunanka Mamallakta Tantanakuymi Procuraduría kamachikta, superintendencias kamachikta, Defensoría del Pueblo kamachikta, Defensoría Pública kamachikta, Fiscalía kamachikta, Contraloría kamachikta, Consejo Nacional Electoral kamachikta, Tribunal Contencioso Electoral kamachikta Consejo de la Judicatura kamachikta churanka.
Shinallatak Mamakamachiypak 179 niki, 2, 3 killkamilkakunata allichirka, ñaka rimashka kamachikkunaka Mamallakta Tantanakuy akllashkami kanka, paykunaka achiklla rikushka, yachakta runata akllashka, kari warmita, alli shunkuta charikta hatun kamachikkuna kachun churanka, wakin runakuna mana paykunata munashpaka harkatapash churanka.
Kay atinakuypika chikan chikan llaktay tantarimanta 13 kamachiy killkakkunami rimayta charirka, kay CPCCS kamaywasi wiñarishka pachamantami Mamallakta pushakpak makipi karka. Chay Montecristi llaktapi arinishka Mamakamachiypak yuyaypika llaktakuna, runakuna, ayllukuna hatunyashpa hatun kamachikkunata churana yuyaymi karka.
EG/cz/jc-kichwa
