Kamachik César Litardo, aymuray killa, 14 punchapi, Mamallakta Tantanakuyta pushak tukurka.
Chay punchamanta ña kanchis killata 11 kamachiykunata llankamushka, kay kamachiykunaka llaktayukkunapak llakikunata, mutsuykunata allichishka.
Mashna kamachiyta killkashkatalla mana rikuna, alli kamachiykuna kashkatami rikuna kan. Chaytami rikuna kanchik nirka.
Chaykunamantaka, Códigos de la Democracia e Integral Penal kamachiymanta rimarka. Kallaripika llakta ushayta allichina kan, tawka runakuna chaypi kachun kayana kan, ishkaynikipika runakunaka charishkata kamana shuwaykuna harkana hawa rimarka.
Kay karmapika, chay Simplificación y Progresividad Tributaria kamachiytalla arinirkanchik nirka, chay kamachiywan hatun kamachik achka kullkita apamunka, asha asha churashka kullkita hapinka, Mamallakta ukupi pakllakunaman, tarpuykunaman, muruta katuykunaman yanapanka.
Shinallatak, Mamallakta Tantanakuy riksishka ista hillaykunapash sinchiyanka, chay Convención Interamericana contra el Racismo kamachiyta, Discriminación Racial y Formas Conexas de Intolerancia kamachiyta arinirka, shinallatak Acuerdo con Chile kamachityta, chay Agencia Iberoamericana de Pesca kamachiytapash arinirka.
Mamallakta Tantanakuyta pushk alli kamachiy killkarichun shuk rikuyta churarka, chay comisión de Fiscaklizacion rikushka kamachiykunatami kallaripika arinirichun shuyanka, kamachiy paktashkata rikunka. Shuktak kamachiy paktashka mana paktashkata chikan chikan kamachiy killkakkunawan rikunka.
LILA/cz/jc-kichwa
