Mamallakta Tantanakuyta pushak, César Litardo, kapak killa, 28 puncha chishipi, 2019 watapak tukuri atinakuyta, charinkapa kamachiy killkakkunata kayarka.
Chaymanta awaki, 30 puncha, 14:00 sayllata atinakuyta charirka, chaypimi Simplificación y Progresividad Tributaria kamachiyta arinirka.
Shinami Función Legislativa kamachiypak, 64 nikita paktachishpa mushuk kamachiyta atinakushpa, Mamallakta Tantanakuy arininka.
Kipaman kay kamachiy llankayman yaykurinka, llaktakunata, kamaywasikunata yanapanka, chayka llaktakuna llankayta charinka, mutsurishkakunata allichinka, runakuna kullkita charinka.
Mamallakta Tantanakuy 637 yupay tantaripi, kapak killa, 9 puncha, 83 apuchiwan, chay Simplificación y Progresividad Tributaria kamachiyta arinirka, kullkirayku utka kamachiy shutiwan riksirka, shinami kay kamachiyka ayllullaktakunata achkata yanapanka.
Shinami kamachiy killkak Daniel Mendoza, Comisión de Régimen Económico tantarita pushak, paymi kay mushuk kamachiyta churarka, chaymanta kay kamachiy Mamallaktapi kullki tiyachun yanapanka nirka, dólar kullki katichun yanapanka, Mamallaktapi tiyashkata pakta pakta rakinkapa yanapanka nirka.
JV/CZ /jc-kichwa
