Llaktay tantarikuna rimanakushpa, yuyarishpa 11 kamachiykunata arinichishkata César Litardo Mamallakta Tantanakuyta pushak willarka.
Chay kamachiykunawan llaktayukkunapak kullki llakita allichinka, llaktakunapi mushuk llankaykuna wiñarinka, runakuna wakchayta anchuchinka nirka.
Shinami chay Código de la Democracia kamachiyta, Código Orgánico Penal Integral (COIP) kamachiyta mushukyachishkata willarka. Kay kamachiykuna kallaripika llakta ushay llikata allichinata mashkan, shamuk akllaykunapak achiklla kachun, llaktayukkunata ukllanata mashkan nirka.
Kay willaypika chay Simplificación y Progresividad Tributaria kamachiy hawa rimarka. Shinami (61 apuchiwan) arinishka kipa Mamallakta Hunta Tanatari Prosecretario General Temporal kamachikman kacharka.
Paymi Kamachiy Kipupi killkarichun ranti kachanka, chaypi killkarishpa llankayman llukshinka. Kay kamachiyka ñawpari Churashka kullkita kunata anchuchirka, yachankapa mañashka kullkita mana tikrachishkamanta wawakullkita, wanachishka kullkita, yapa wawakullkita mana tikrachinka.
Kay tapuypika Comisión de Fiscalización tantari, chay Diana Atamaint, Consejo Nacional Electoral kamachikta, llaktay wanachiyta rurankapa ña allichishkata charin, rikuchinkapa pichka punchata charin nishpa willarka, chaymanta wanachinkapa katinka, chaypi huchata aparinka, mana kashpaka kishpiyrinkapadh nirka.
Shukmanta rimashpaka, Mamallakta Tantanakluypak kallari atinakuypika chay Emprendimiento kamachy hawa atinakushun nirka, kay kamachiyka llankayta wiñachinka, mushuk llankaykuna katichun kamanka nishpa willarka.
SV/ea/jc-kichwa
