Shinami kay Biodiversidad tantari ishkaykutin manarak atinakushpa Régimen Especial de la Provincia de Galápagos kamachiyta 2020 watapak kallari kimsa killapi riksichinka.
Kay tantari panchi killapi runakuwan, kamachikkunawan, llaktakunawan atinakunka. Riksishpa paykunapak yuyayta churanka.
Mushuk kamachiyka chay Galápagos llaktapi tiyashkaunatami ukllanka, chaypi tiyaktaka sumak ruraywan, amawtaywan, unipak wiñariwan kamanka.
Shinallatak kay kamachiyka kamashpa, pachamamata rikushka, tukuypak llankayñanta rurashpa, llaktata nikishpa kanka. Yawati llaktapak pachamama llikata katinka.
Pachamamta mana wakllichishpalla kullkiyana llankaykunata ruranka, markapi pachamama llikata kamanka, tarpuywayllata, allpapi tiyak pachamamata sumaychashpa kullkiyay llankaykunata ruranka, mamakuchapi tiyak wiwakunata, kiwakunata, yuyukunata, sachakunata, chalwata sumaychanka, mana wakllichinka.
Shinallatak, Consejo de Gobierno del Régimen Especial de Galápagos kamaywasita tantarishpa llankachun yaykuchinka, katipika yawati markapak kullki wiñarichun llankanka, llaktayukkuna chaypi kaypi kachun hayñita apunka, shinallatak willamana yaykurichun, pachamama paktakayman yaykurichun yanapanka.
Llankakunata rikunkapa El Oro markapi, Zaruma kitiman, Santa Rosa kitiman kay wata, kulla killa 14 punchamanta, 16 punchakama chukita surkushpa runakuna kawsana allpata wakllichishkata rikunkapa kamachiy killkakkuna rinka. Chaymanta chay llaktapi runakunwan, kamachikkunawan, kamaywasikunawan rimanakuyta charinka.
JLVN/ea/jc-kichwa
