Mamallakta Tantanakuyta Pushak, César Litardo Caicedo, 2020 watapika Mamallakta Tantanakuy chay Emprendimiento e Innovación kamachiyta ishkaynikita atinakushpa kallarinka nirka.
Chaytaka kaya, 7 puncha, 09:00 sayllata, 648 yupay atinakluy ña kallarinka chaypi kamachiy killkakkuna paykunapak yuyayta chuiranka.
Kay kamachiywanka llaktakunapi mushuk llankaykuna wiñarinka, ayllukunapi kullki mirarinka nishpa willarka, shinallatak llankakkunata yachachinka, mushuk llankaykunata kullkiwan yanapanka nirka, kipaman ashalla pachapi mañaymashkay tukunka, chay llankaypak kullki tiyanka nirka.
Kay Kamachiytaka Comisión del Desarrollo Económico tantari killkamushkami kan, kamachiy willaytaka, sarun wayru killa, 23 puncha atinakuypi achka kamachiy killkakkuna yanapashkami kan. Tayta Esteban Albornoz kamachiy killkak, tantarita pushak, César Rohon, kamachiy killkak churashkami kan.
Paktaykuna
Kay kamachiyka Consejo Nacional para Emprendimiento e Innovación kamaywasita wiñachinkapa, shinallatak shuk Secretaría Técnica kamaywasita, Estrategia Nacional kamaywasita wiñachinka, paykunami llankayta katinka, rikunka. Mushuk llankayta kipunata Ecuador llaktapi, ista llaktakunapi churanka. Mushuk llankayta pushak yachakkunata, sumakrurakkunata ashtawan yachachina yuyaytami charin.
RSA/cz/jc-kichwa
