Mamallakta Tantanakuy chay Emprendimiento e Innovación kamachiyta arinirka, kay kamachiytaka 116 kamachiy killkakkuna arinshka kan, chaymantami 2020 watapi kallari llankaymi kan.
Shinami llaktakunapi kullki wiñarichun, mintalaykuna paskarichun, yanapay kullki tiyachun, kullkiyachik llankay mirarichun, mushuk llankaykuna tiyarichun achkata yanapanka.
Kamachiy killkak Esteban Albornoz, paymi kay kamachiyta churarka, kay kamachiywanka kullki tiyachun, kullkiyachik llankay mirarichun, mushuk llankaykuna Mamallaktapi, ayllullaktakunapi mushuk llankaykuna tiyarichun ashtawankarin yanapanka nirka. Chaymanta Mamallaktapi Espíritu Emprendedor shutita charin, suyupipash hatun rikurin willarka.
Kay kamachiyta atinakuypika 30 kamachiy killkakkuna rimarka, Mamallakta kullkipi wiñarichun, dólar kullki katichun, istamanta kullki chayamuchun achkata yanapanka nirka. Kay kamachiywanka kullkita hapichun mana yapa pankunata mañanka, kullkita utkashpa kunka, llankakwasikuna paykunapak llankayta ama wichkachun, mintalaymanta ama llushichun harkanka nirka.
Kay Consejo Nacional para el Emprendimiento e Innovación kamaywasika ashalla awllikkunawan wallparishka kachun, mushuk llankaykuna mañakkunaman utka kullkita chayachichun mañarka. Mañachishka kullkimanta ashalla wawa kullkita hapichun willaypi churarka, shinami saywa llaktakunaman, antisuyu llaktakunaman, turishka llaktakunaman ashalla wawakullkita hapishpa kullkita mañachichun rimarka.
SV/cz/jc-kichwa
