Kay Comisión Ocasional para Atender Temas y Normas sobre Niñez y Adolescencia tantari Código de la Niñez kamachiyta chayachinkapa atinakushpa katin.
Shinami pawkar killapi chayachinka, chaypak wanra, puncha, kulka puncha, 08:00 sayllata rimanakunka, uchilla tantarikuna nikikunata, kamuta allichinka.
Kamachiy killkak Encarnación Duchi, tantarita pushak, kay kamachiytaka runakunapak yachaywan, tantarikuna yuyayta churashkawan killkashun rimarka. Llaktakunaman llukshishpa mamakunawan, taytakunawan rimanakushpa, paykuna yachayta churashkawan kamachiyta killkashun rimarka.
Shinami kay III kamukunata allichishpa katin, kamu ukupika wawakunata, imillakunata ukllana hawami killkashka kan, kay nikikunata kamachiypak shunkumi kan. Hatun yuyayka Comité sobre Derechos del Niño mañashkata hapinami kan, chayka Ecuador llaktapi wawakunata, imillakunata ukllana llikata charinami kan, kayka Mamallaktapak awllimanta chikanmi kanka.
Ashtawankarin Franklin Samaniego kamachiy killkak, tukuylla llaktayta nikinami tiksi kan nirka, shinami paykunata tukuypi ukllana kan nirka. Paymi chay Consejo de Protección Integral de Niñez y Adolescencia tantarita wiñachina kachun mañarka, chay tantarita wiñachinkapa Mamakamachiyta mushukyachina mana mutsurinchu, rimarka.
Tukuchinkapa rimaypika, tawka sami unkuyta charik tisiku runakunata yanapankapa akllashka ruraykunata churana nirka, 18 watata charishpaka, hampirinata ña mana usharichu, shina wakllirishka runa kashpa payllatak chaninata ña mana ushanchu rimarka.
MG/cz/jc-kichwa
