Chay 500 runakuna Mamallakta Tantanakuyman shamurka, paykunaka Seguridad Social kamachiy alli killkarichun mushuk yuyaykunata churankapa shamurka.
Paykuna chay Consejo Directivo del Iess tantaripi, paykunapak pushakta charinkapa mañarka. Pakllamanta runa, chalwak runakuna rimayta charichun, shuwaykuna ama tiyachun mañarka.
Chay Consejo Directivo del Instituto Ecuatoriano de Seguridad Social (Iess) kamaywasipi paykunapak pushakta charinata munan, chayman kimirishka runakuna pakllapi kawsak runakunaman, tarpuk runakunaman yanapayta chayachichun, tarpuypi llankak warmikuna kawsaykamayman yaykurichun mañarka. Shinallatak pakllapi kawsak runakunapi shuwaykuna ama tiyachun shuyanchik nirka.
Paklla tantarimanta, chalway llankaymanta tantarishka shamuk runakuna kay Comisión de los Derechos de los Trabajadores y la Seguridad Social tantarita pushak, Karina Arteaga Muñoz chaskishka karka, paykunaka Seguridad Social tanatari mushukyachichun, may alli yanapayta kuchun, kamachun rimarka. Kay Comisión Legislativa tantarika chay runkunata achkata yanapanata charin nirka.
Paymanta Confeunassce, Rómulo Quimis Pincay pushak, chay Seguro Social Campesino tantarika may allimi kan, Mamallakta ashtawan alli katichun shuyani nirka. “Llankaypi rukuyashka runakunapak kullkita kutintak tarinchik, tukuy punchakuna llankashpa, sinchita ñakarishpa paktashkanchik nirka; ñukanchikmi kapukyachinchik, mintalana pampakunaman murukunata huntachinchik nishpa willarka, llaktakuna wiñarichun, kullkikuna tiyachun, mikunakuna mirarichun yanapanchik”, rikuchirka.
Paymanta, Luis Pilaló, Federación Única de los Afiliados al Seguro Social Campesino (Feunassc) pushak, shuwaykuna chinkarichun yuyayta churarka. Kutin Pedro Panchala, Confeunasece – CNC pushak, Seguridad Social para que el Consejo Directivo de Iess tantariman shuk kamachiy tiyachun mañarka, chay kamachiy pakllapi kawsak sapan runakuna tantarimanta pushak yaykurin mutsurin nirka, paykuna ima mutsuykuna tiyashkata willachun mañarka.
RSA/ea/jc-kichwa
