Kay Comisión de Fiscalización y Control Político, tantari chay Consejo Nacional Electoral, Diana Atamaint kamachikta wanachinarayku, kay Comisión de Fiscalización tantari huchakunata chaskichun arinirka.
Kay wanachiytaka Fernando Flores kamachiy killkak, Jeannine Cruz kamachiy killkak churashkami kan, paykunami imashina kay llaki kashkata ashtawan taripakun.
Kay rimanakuypi Enrique Pita, CNE kipapushakta chaskirka; Luis Verdesoto, Esthela Acero, José Cabrera kunakkunatapash chaskirka, paykuna shamuchunka minkashkapi tantarishka kamachiy killkakkuna kayashkami karka.
Chaypimi Enrique Pita kunakka, chay Yasunidos mañashkata mana paktachishkamanta wanachishka kanka nirka, chay Los Ríos markapi akllaykunapi mana alli llankachishkamanta; chay Luis Loyo, 34 huchata charishkamanta, shinapash kay CNE ukupi 2019 wata payta hatun kamachikta churashpa llankachishkamanta wanachishka kanka nirka.
Paymanta, Luis Verdesoto kunakka, 2019 wata akllaypika tawka llakikuna tiyarka, Los Ríos markapilla pantarika mana karkachu, tukuy Mamallaktapimi karka nishpa achikyachirka, apuchita shuwaykunami tiyarka, chayta kamaywasipak hatun rimanakuypi huchachishkami karka, shinapash mana imatapash tikrachirkachu. Chaymanta Fiscalía kamachikman riksichishka kan, paykuna taripaykunata rurakun nirka.
Kunak, Esthela Acero, chay CNE kamaywasipi arinishka pankakunata killkakatirka, chaykunaka llaktay wanachi ukupimi kan. Kunakkunaka rimankapa, willankapa, apuchita churankapa kishpirishkami kanchik nirka, kamachiywan llankak ukumanta willay tiyakpikarin ñapash imakashkata riksichik nishpa willarka.
Kay Rinamuyta charishka kipa, Johanna Cedeño, tukuy shamushka kunakkuna achiklla willashkamanta yupaycharka, chay willaykuna Diana Atamaint, CNE pushakta wanachinkapa kimirin, kaypi sakishka pankakunata Comisión de Fiscalización tantari allita rikunka nirka.
EG/jc- kichwa
