Kayna chilla chishi Mamallakta Tantanakuy chusku sayllata chay Raúl Pérez Torres Exministro de Cultura kamachikta llaktay wanachita rurarka, chaypi kamachiy killkakkuna paykunapak rimayta churarka.
Kay Juan Cristóbal Lloret, Lira Villalva kamachiy killkakkuna wanachinkapa churashka yuyay apuchita mana charirka. Chaymanta 59 kamachiy killkakkuna arinirka, 23 kamachiy killkakkuna shuyaypi sakirirka. Tukuy kamachiy killkak arinishpa wanachinkapaka 91apuchimi mutsurin, shinami Mamakamachiypak 131 nikipika willan nirka.
Kay Exministro de Cultura awlliktaka, chay Cultura kamachiyta, uchilla Kamachiyta pakishka nishpa, markakunapi tiyak Casa de la Cultura Ecuatoriana (CCE) Benjamín Carrión kamaywasiklunaman kullkita mana chayachishha nishpapash huchachirka.
Payta huchachishkamanta tikrachishpa, Raúl Pérez awllik 45 chinikuta rimashka kipa, huchachik kamachiy killkakkuna rimayta charirka, Mamallakta Tantanakuy hunta tantarishka Juan Cristóbal Lloret, Lira Villalva kamachiy killkakkuna rimashkata uyarka.
Chay Juan Cristóbal Lloret, huchachishka yallik kamachik sumakruraykunata, kamachiykunawan llankanata, tukuylla llaktaykunapi pantarishkata rikuchirka, Mamallaktapak markakunapi tiyak Casa de la Cultura Ecuatoriana (CCE) Benjamín Carrión wasikunaman kullkita mana chayachishka nishpa huchachirka.
Kay atinakuypi, Comisión de Fiscalización pushak, Johana Cedeño, tantariman yaykurishka kamachiy killkakkunapak llankayta yanaparka, paykuna Mamakamachiyman kimirishpa, nikikunapai rimashkata katishpa llakita tariparka nishpa yanaparka. Kutin Exministro Raúl Pérez yalli kamachik Cultura Kamachiypak uchilla kamachiywan kimirishpa llankashkata tikra rikuchirka.
RSA/ea/jc-kichwa
