Kay Ecuador llakta muspachik hampita harkana mana tiyan, shinami Para Prevenir y Erradicar el Microtráfico de Sustancias Estupefacientes y Psicotrópicas kallari atinakuypi José Serrano kamachiy killkak rimarka.
Shinallatakmi Diego Riofrío, director de Prevención de Adicciones del Municipio de Quito kamachik rimarka, shuktak kamachik killkakkunapash rimarka.
Chay Riofrío kamachik, kay llakita harkankapa Mamallakta Tantanakuy kamachiyta killkakushkamanta yupaycharka. Kay awllikka, Ecuador llaktami Alcohol, Marihuana, Cocaína muspachik hampikunata hatun yachanawasipi yachakukkuna millpuyka chuskunikipi kan nirka. Kay Consejo de Educación Superior tantari kay yuyayta hapichun mañarka, shina yachakukkuna ama millpuchun mañarka.
Kay kamachiyta killkak, José Serrano, kamachiy killkak: muspachik hampita mana upyachun llaktayukkunata yachachichun, kamachun, aylluman yaykuchichun, kari warmi pakta pakta kachun rikunka nirka. Shinami imillakuna, wamrakuna, kari warmi pakta runakuna ama millpuchun kamachiywan, kamachikkuna, ayllukuna harkachun yanapanka nirka.
Kamachiy killkakkunaka muspachik hampita millpukkunata mana supaychanachu, kay llakita anchuchinkapa shuktak ñankunata mashkana, shina chay unkushka runakuna, wamrakuna, imillakuna kutintak alli kawsayman yaykurichun mañarka. Pakalla muspachik hampita millpuchik ukukunata wichkana, nishpa rimarka.
Shinami 14 kamachiy killkakkuna rimashka kipa, Para Prevenir y Erradicar el Microtráfico de Sustancias Estupefacientes y Psicotrópicas kamachiyta kallari atinakuy tukurirka. Chaymanta Comisión de Gobiernos Autónomos tantari ishkaykutin atinakuypak willayta killkana kan nirka.
JLVN/ea/jc-kichwa
