Chay Comisión de Fiscalización y Control Político, Johanna Cedeño Zambrano pushashka, Fernando Flores kamachiy killkak, Jeannine Cruz kamachiy killkak Diana Atamaint, Consejo Nacional Electoral (CNE) kamachikta wanachichun mañashka apuchi mana paktarka.
Kay CNE kamaywasita pushak payman minkashka awllikunata mana rurarka, chaymanta chusku huchata charin, huchachikkunaka rikuchirka.
Chay Los Ríos markamanta apuchikunapak willayta mana utka chayachichirka; yallik 2019 watapi llankayta rikuchun kamachikta mana kayashka; Colectivo Yasunidos mañashkata mana paktachishka; Luis Loyo kamachikta mana wanachishka, rimarka.
Kamachiy killkak Alberto Arias, minkashkakuna, Mamallakta Tantanakuy wanachinka katichun, kipaman llankaymanta surkuchun yuyayta kurka. Shinami, sukta apuchi wanachichun mañarka, wanachinkapaka kanchis apuchimi mutsurin nirka. Shinami ishkay harkarirka, chusku sakirirka.
Apuchikunamanta rikurishka, Cedeño kamachiy killkakka, sapan kamachiy killkakkunami huchata mallita rikunata charin, llaktaymanta rakirishpa, paypak shunkumanta apuchina kan, arininata, harkarinata, takanata makipi charin.
EG/cz/jc-kichwa
