Kay Desarrollo del Sector Acuícola y Pesquera kamachayta iskaykutin atinakuypika, Lenin Plaza Castillo, Soberanía Alimentaria Tantarita pushak rimashka, paypak markamanta rikukpika Mamallakta kapukyaypi willañichunmi kan nirka.
Kay kamachiywan yakuta, sachata, tawkasami kawsayta kamanka, pachamamata mana wakllichishpalla mutsurishka tiyakkunata hapinka, alli kamachiy killkarichun Mamallaktapak hatun kamachikta, tawka chalwata hapishpa llankakkunata, tantarikunata chaskirka, paykuna ima llaki tiyashkata, imashina llankay kashkata riksichirka.
Kamachiy killkak, Lenin Plaza, kay Desarrollo Acuícola y Pesquero kamachiyka, sumak kawsayman kimirishkami kan nirka, shinami awki mikunata hawaman churan nirka. “kay kamachiyka mamakuchapi tiyakkuna, allpa hawapi tiyakkunata, mayukunapi tiyakkunata mana wakllichishpalla llankankapa yanapanka kan”, rimarka.
Kay Sistema Nacional de Acuicultura y Pesca wñarikpi, Consejo Consultivo wiñarikpi, Fondo Nacional de fomento a la investigación wuiñarikpi yapa pachamama hawa llankankapa yanapanka, chayka: kay llankayta kamankapa, alli kayta rikunkapa, katinakuy kapukyayta, ñawpa chalwakkunata, walwallankak wasikunata achkata yanapanka.
Kamachiy killkakunapak rimaypika, kay kamachiyka: chalwa hapikta, apankura hapikta, churu hapikta, lluchunka hapikta sichiyanka. Shinami kay kamachiyka runakuna mutsushkata, Unión Europea mutsushkata paktachinka, shinallatak yaku ama chinkarichun, pachamamata charirayachun, pachamama llika ama wakllirichun, tawkasami kawsay katichun kamanka.
EG/RS/cz/jc-kichwa
