Kay Comisión de los Derechos de los Trabajadores, tukuylla kamaywasikunamanta awllikkunata surkushkata katirka, ashtawankarin chay Sistema de Salud Pública llankaymanta surkushkatami yachakchayarka.
Chaymanta Ministro Trabajo, Andrés Madero hatun kamachikta chaskirka, payka llankaymanta surkuna yuyari mana tiyanchu nirka.
Chaynmanta shuktak Mamallaktapak tukuylla kamaywasikunamantapash surkuna yuyayka mana tiyachu rimarka.
Hatun Kamachikka, tukuylla kamaywasikunapak kamachikkunami awllikkuna ama llukshichun rikunata charin nirka, llaktayukkunata mitachikkunapash llankaymanta kuyurichun yuyarika mana tiyanchu rimarka, Ecuador llaktapak alli llankachun munanchik nirka.
Sapan kamaywasikuna, paykunapak kamaywan awllikkunata rikunata charin, shuktak llankaykuntapash rikunata charin nirka, llankana kuskakunata mushukyachina, paya tiyashkakunata allichina, uchilla kamachiykunata kunan llankakkunawan pakta kachun allichinata makipi charin nishpa Andrés Madero, Ministerio de Trabajo kamachik tukuykunaman riksichirka.
Kaymantallatak rimashpa, Olga Nuñez, subsecretaria de Presupuesto del Ministerio de Economía y Finanzas kamachik, kay Ministerio de Salud kamaywasi pay kamay wallpa ukupi llakikuna tiyakpi rikuna, yalli llankak runakuna tiyakpi surkuna, awllikuna illakpi pushamuna kamayta cahrin nirka.
Kay, Washington Muñoz, Ministerio de Salud Pública kamaywasipi llankakkunapak, awllikkunapak shutipi, llankashkamanta kullkita kuna tawata 15 watamanta mana rikushka kan nirka, chaymanta 2.000 yalli tukuylla mitachikunata llakichin, rimarka. Kullkita mirachinka Ministerio de Finanzas kamaywasi mushuk kullkitawapi churana karka, rimarka.
RSA/cz/jc-kichwa
