Mamallakta Tantanakuyta pushak, César Litardo Mamallaktapak sapan llaktaman Comisión de Desarrollo Económico, Productivo y la Microempresa tantariwan, chay Loja llaktaman chayanka.
Chaypimi Emprendimiento e Innovación y la construcción de la Ley de Turismo hawa riksichinka, runakuna achkata riksinka, paykunapash yuyayta churanka.
Kaya, 7 puncha, chay Universidad Técnica Particular de Loja wasipi, Mamallakta Tantanakuy, Hatunyachanawasi kamachikwan shuk yuyarita arininka.
Chaywan yachakukkunaman yachachinka, Mamallakta Tantanakuypak mitachikunawan makita kushpa kamachiy killkakta, mitachikunata kamachiy hawa yachachinka, paykunawan taripaykuna ruranka, shina unipak katinka.
Chay pachallatak Litardo, Mamallakta Tantanakuyta pushak willana hillaykunapi pay llankashkata, llaktay tantarikunawan makakita kushpa llankanata riksichinka. Wacha, 8 puncha chay Vilcabamba pampapi runakunawan tanta kanka. Kaytaka Comisión de Desarrollo Económico, Productivo y la Microempresa tantari pushanka, Esteban Albornoz kamachiy killkak pushakun.
Mamallaktapak hatun kamachikwan, kamachiyta yachachinata minkashka, kay Emprendimiento e Innovación kamachiyta llaktakunaman riksichinka, shinallatak Turismo kamachiyta maypimi riksina llankay tiyakpi willashpa chayachinka, Valle de la Longevidad llaktapi kawsak runakunaman chayachinka. Shinami Primera Función del Estado kamaywasi llaktaman kamachiywan runakunaman chayanka.
CZ/jc-kichwa
