Kay Instituto Nacional Demócrata kamaywasiwan kimirishpa, Grupo por el Parlamento Abierto tantari, Elizabeth Cabezas Guerrero kamachi killkak ñawpashka, llaktayukunawan, Mamallakta Tantanakuypak awllikwan yachayta runakunaman yachachirka.
Kay Parlamento Abierto llankaytaka Apaya-yala llaktakunapak tawka Mamallaktakunapi pusharikun, chaymanta Ecuador llaktapi yachaykuna katikun.
Kay yachaykunaka achiklla llankyta, tukuy willayman, llankakshkata rikuchina, llaktayukuna cvhaypi kachun, sumakkay pusharichun yachachin.
Kamachiy killkak Elizabeth Cabezas, tantarita rikuk, payllatak Parlaméricas tantarita hatun pushak, kay yachaykuna llaktayukkuna shamuchun punkuta paskanchik riman, ñawipurashpa, achik ruraykuna rikuchishpa katinchik rimarka. Shinami Mamallakta Tantanakuy “Achiklla kamayta, llaktay chapayta, kamachiy killkakkuna imapak llankakushkata riksichun” yachakunchik rimarka.
Chay Francisco Herrero, Instituto Nacional Demócrata kamaywasita pushak, Parlamento Abierto llankayta rurashpa rikuchunmi kan, rimarka.
Karuman rikishpa, yuyashpa runakuna mashiyarichun, alama tukuchun, aylluyachun punchanta llankaymi kan rimarka. Llakta ushayta punchanta runakunawan, llaktayukkunawan, tantarikunawan rimanakushpa, yachachishpa, riksinaman, hunpishpa llankaymi kan, rimarka.
Kay Roger Celi, chay Fundación Ciudadanía y Desarrollo kamaywasimanta shamuk, katikuy ñanta ishakantin purishpa yanapak mashi kamaywasimi kan, shina llankashpami, Parlamento Abierto yachayta ashtawan runakuman rakishpa katin. Kay yuyaykunawan alli kamachiykunata killkashpa, arinishpa katinka.
RSA/eg/jc-kichwa
