Shinami Comisión de Biodiversidad tantarika, 2019 watamanta, 2020 wata, panchi killakama 20 tantarikunata rurashka.
Katipika, kay 751 yupay churashka kamachiywan chay Tagaeri, Taromenane llaktakunamanta punkarata surkunkapa yanapanka, chay allpakunaka Parque Nacional Yasuní ukupimi sakirin.
Kay Comisión de Biodiversidad tantari, punkarata surkuna shutipi chayta rikunata charik Mamallaktapak kamachikkunata kayarka, kipaman Lenín Moreno Garcés, Mamallaktata pushakman churashka kamachiyta anchuchichun shuk willayta kacharka.
Minkashkakunaka Ministro de Recursos Naturales no Renovables kamachikta kayarka, payka imamanta chay Napo marka, Chonta Punta shulkapi, Bloque 21 kuskapi punkara hicharishkata, imashina allichishkata willachun kayarka. Shinallatak chay Pastaza markapak Santa Clara kiti, Central Hidroeléctrica del Río Piatúa llankakwasita rurashkata willachun mañarka. Katipika chay Bloque 28 kuskapi punkarata tarishkata, surkushkata willachirka.
Kamachiy killkakkunapak shuktak rimayka, chay Orellana, Sucumbíos, Morona Santiago, Zamora Chinchipe markakunapi hatun yanachana wasita wiñachinamanta rimarka. Shinallatak Planificación Integral de la Circunscripción Territorial Especial Amazónica Kamahiy, paypak 2, 3 nikikunapai rimashkata paktachishka, mana paktachishkata rimarka.
Tukuy kaykunata willachun, minkashka kamachiy killkakunaka: Julia Landázuri, Secretaria Técnica de la Circunscripción Territorial Especial Amazónica (CTEA) kamachikta; Alex Hurtado Borbúa, Napo markakamachikta, Presidente del Consejo de Planificación y Desarrollo de la CTEA kamachikta kayarka.
Shinallatak Agustín Albán Maldonado kamachikta, Educación Superior, Ciencia, Tecnología e Innovación (Senescyt) kamachikta; Catalina Vélez, Consejo de Educación Superior (CES) pushakta; Andrés Madero, Ministro de Trabajo kamachikta chaskirka. Paykunaka imashina llankashkata willashpa achikyachirka.
JLVN/ea/jc-kichwa
