Shinami Kay Comisión de Desarrollo Económico tantari Mamallaktapak llankaykunata katinata paktachishpa Esperanza-El Aromo yaku tutu mana alli kakta rikushpa katin.
Chaymanta imashina rikushka willaytaka Mamallakta Tantanakuypak hatun rimanakuypi riksichinka, tukuy kamachiy killkakkuna riksinka.
Kunanpika, Patricio Zambrano, Rocafuerte kiti pushakta chaskirka, payka paklla, tarpuk tantarikunapak shutipi, mushuk yaku tututa rurachun chayta rikuk kamaywasipak kamachikkunawan rimashpa karachun mañarka.
Shinallatak allpa ukuta rik yaku tututa mana alli kamashkamanta wakllirikukta allichichun mañarka, Mamakamachiy rimashkawan yanapachun mañarka, shina runakuna chirli yakuta mikuchun munani nirka.
Kay mushuk mañayka 96 waranka tupu putita Refinería del Pacífico; 30 waranka puti tupu Manta llaktaman; shinallatak 10800 waranka puti tupu Montecristi kitiman rakin, chay Jaramijó kitiman punchapi 7200 waranka puti tupu chirliyachinka, man kay rakikunata paktachikpika 61% patsakri yaku Rocafuerte, Tosagua, Bolívar, Junín llaktakunata yallinka.
Chaymanta Zambrano Kitipushak, 2000 waranka yaku putita chirliyachinkapa kuchun mañarka, chay putimanta Rocafuerte kitiman, Tosagua kitiman, Bolívar kitiman, Junín kitimana kachachun mañarka 10000 puti tuputa chayachichun mañarka.
Kay llaktapi kawsak runakunaka tamyakpillami tarpun, paykunaka shitashkami kawsan, yakuta mana charin, wiñaykawsay pachamnta kunkarishka, llapishkakunami kawsan. Mikuna yakutapash puru antawamantami hapin, chayka mana chirli yakuchu kan.
SV/ea/jc-kichwa
