Chay Universidad Técnica Estatal de Quevedo Hatun yachana wasipi Mamallakta Tantanakuyta pushak, César Litardo Caicedo, 2019 watapi llankashkata llaktakunaman, kamachikman, runakunaman willarka.
Shinallatak llaktakunawan, kamachiy killkakkunawan, rimanakushpa shuklla yuyayta charishpa alli kamachiykunata killkashkata riksichirka.
Tayta César Litardo, Quevedo llaktamanta Ecuador llaktapi, shukniki Mamallakta Tantanakuyta pushakmi kan, Los Rios markamantaka rikukpika Mamallakta Tantanakuyta pushakmi ishkayniki kan.
Payka, kamachiyta killkankapa llaktakunawan, kamachiy killkakkunawan, rimanakushpa shuklla yuyayta charishpa arinishkata willarka.
Shinami Mamallaktaman alli kamachiyta churashun rimar, “Quito llaktamanka yanka tiyankapa mana rirkanchikchu, Mamallakta, marka wiñarichun llankankapa rirkanchik” Litardo, kallaripi rimarka.
Tayta Litardo, Los Ríos markamanta kamachiy killkak kashpa, Código Integral Penal (COIP) kamachiyta, Para el Fortalecimiento y Desarrollo de la Producción de la Palma Aceitera y sus Derivados kamachiyta, Fomento y Desarrollo Agropecuario kamachiyta, Que Regula la Producción y Comercialización de Banano, Plátano, Orito y Otras Musáceas Afines kamachiyta, Pesca y Desarrollo Pesquero kamachiyta, Deporte y la Actividad Física kamachiyta arinirka.
Mamallakta Tantanakuy ukupi 21 kamachiyta arinishka ukupika, 3 kamachiymi llaktayukkunata kamankapa, shuwaykunata takankapa kan nirka. Kayta rimashpa chay Los Ríos markata tarpuykuna wiñarichun, wiwakuna mirarichun kamachiyta arinishkata runakunaman hamutachirka, shina: Para la Palma Aceitera kamachiyta, Fomento y Desarrollo Agropecuario kamachiyta, Regula la Producción Banano, Plátano y Orito kamachiyta arinishkata willarka.
Shuktak manyamanta rimashpaka, chay COIP kamachiyta allichishpa Mamallaktapi kawsak runakunata kamankapa, rikunkapa achkata yanapakta riksichirka. Kay kamachiyka llaktayukunata shuwakuna kichukukta Policía Nacional kamachikkuna harkachun, shuwakunata takachun achkata yanapan nirka. Kunanka shuwakunapak ñawita, maypimi shuwakuk riksichun hawalla yanapan nishpa, willarka.
RSA/ea/jc-kichwa
