Shinami chay Kay Comisión de Educación tantariman Secretaría Nacional de Educación Superior (Senescyt) y del Consejo de Educación Superior (CES) kamachikkuna pawkar killa, chilla, 18 puncha shamunka, paykuna Universidad Estatal de Guayaquil yachana wasipi llaki tiyashkaa rimanka.
Shinallatak Jimmy Candell, tantarita pushak, kay yachanawasi yachachishpa rukuyashka runakunapak llakita mana allichishka nishpa atinirka.
Shinallatak ishkaywata washaman yachayta tukuchikkunaman yachaypi shutichishka pankata mana kushka nirka, allikawsay llankayta yachanawasipi mana paktachishkatapash willarka.
Kay Ministra de Educación, Monserrat Creamer kamachik shamunamantapash willarka, pakta yachanawasikunapi yachachikkuna paykunapak llankaypi llaki tiyashkata riksichirka, paykuna llankashkamanta asha kullkita mirachinamantapash rimarka, yachachikkuna 3 niki yachayman paktashkata willarka, wakin yachachikkunaka 4 niki yachayman chayashkata riksichirka.
Kay LOEI kamachiyta allichina}
Kay Candell Soto, Santa Elena llaktamanta rikurik, kay Educación Intercultural (LOEI) kamachiyta allichina sapa killkakuna ñami tiyan nirka, kay kamachiyta allichina hawa mushuk yuyaykuna, arininakuna ñami tiyanka nirka, kayman yaykurishka kamachikkunami rikunata charin nirka.
Shinallatak kay Ser Bachiller kamaykukunapi llakita apamushkamantapash achkatami rimanakuna kanchik nirka, yachakukkuna kamaykukunapi llakita charishkakamanta, kamachiy killkakkuna shuk mañayta churarka, yachachikkuna llankayman yaykurinkapa akllashka kakpi, harkayta charikpi allichinatapash rimarka.
MG/cz/jc-kichwa
