Antawata purichik mana alli pushashkamanta anta ñankunapi sinkuykuna tiyakta, anta wakllirikpi, kamachiyta pakishpa mana uyakpi runakuna wañuykuna mana ashayarinka.
Chayta asha kullkita antawa purichikman kushpa allichinka, sumakyachinka.
Kay ukupi chay Comisión Ocasional tantari yachana wasikunaman imashina antawa purichinata yachachun yachana ñankunata, yachaykunata churarka. Shinami chay Tránsito, Transporte Terrestre y Seguridad Vial hawa yachanka.
Shinami uchilla wamrakuna, imillakuna, paktarunakuna antawa purichina yachayta hapinka, kipaman Mamallaktapi antawakuna sinkuyta, llakirita ashayachinka. Shinallatak kay yachayka wamrakuna paykunapak yuyayta wiñachichun, mirachichun yanapanka, chaywan antawa ñankunapi ama yanka pukllanata, purinata riksinka, kipaman antawata alli purichinata yachanka.
Antawata purichinata yachachik wasikuna, kamaywasikuna, yachachikkuna chay Sistema de Educación Superior sumak yachana wasikuna sumakta runakuna, imillakuna, pakta runakuna yachay patakunata allita yachashkamanta sumaychanka, hatun kamachikkuna yanapashkawan kushikuy pankata chayachinka, paykunami alli yachay sinchiyachun kamanka.
Yachana sayllakunaka mana 40 % patsakri urayman yachanata charik llikakuna kachun churan, antawata purichina hawalla yachaykunaka mana 90 saylla urayman mana kanka, shinallatak antawa purichina pankata charinkapa 480 saylla amawta yachayta hapinka, chaywan antawa purichina alli yachak tukunka.
Antawa alli purichikkunaka sapan watami pay uksi kashka, mana kashkata riksinkapa hampikkunaman allkikawsayta riksichinka, paykunapak yuyayta tupuchinka, paykunapak antawan purichina pankata allichishpapash shinallatak alli yuyay kashkata, kushilla kawsayta charishkata tupuchinkapa yachakkunaman rikuchinka.
Llaktayukkuna kay yachayta hapichun, riksichun mañan, kay yachaykunata tukuylla purina antawakunapi churashun nishpa riksichin, shina antawa purina ñankunapi allí kamaykuna tiyanka, maypimi riksinakunapi, samarina pampakunapi, runakuna yaykurina kuskakunapi ama tsiknishpalla purina yachaykuna, kimirinakuna tiyanka.
JLVN/ea/jc-kichwa
