Kunan tutamanta, kunan chishi zirma ankuta katishpa Comisión de Soberanía, Integración, Relaciones Internacionales y Seguridad Integral tantari, Fernando Flores kamachiy killkak pushashka, chay Movilidad Humana Kamachiyta allichina hawa rimarka, shinami allichishpa katin.
Paykunaka kay Mamallaktamanta runa, karu Mamallaktapi wañukpi imashina apamunamanta, istallakta charishkakunata apamunamanta, istallaktamanta runakuna Ecuador llaktapi mashna pachakama kawsanamanta rimarka.
Karu llaktamanta wañushkata apamunkapaka Defensor del Pueblo kamachikwan rimana kanka, shinami chay llakitaka hatunpi rikuna kanchik nirka.
Ashtawan achiklla yuyayta charinkapa Flor Haro, Fundación Familia Sin Fronteras tantarimanta pushakta chaskirka, chay kamaywasimi purik runakunata yanapan nirka. Yallik watakunaka Defensoría del Pueblo kamachikmi rikunata charirka, kunanka Cancillería kamaywasimi paypak makkipi charin, “Mamallaktami wañushkata utka apamuchina kan”, rimarka.
Kamachik Jaime Bejarano, Cancillería kamaywasita yanapak, kunanpi llankayka wañushka runakunata apamuna, ima charishkakunata apamunami sinchi llankay kan, chaypak mashna kullkita mutsushkata ayllukunami rikunata charin nirka. Kayna 2019 watapika 40 wañushkakunatami apamurka.
Ña tukuripika, tantarita pushak, Fernando Flores, kamachiy killkak kamachiy killkana sinchi muku nikikunataka, tantarishka kamachiy killkakkunami llankamunchik, ñami 95% patsakri nikikunata allichishpa katimushka kan nirka.
EA/cz/jc-kichwa
