Karumanta rikunapi chay Comisión del Derecho a la Salud tantari, William Garzón kamachiy killkak pushashka, Mamallaktapi Covid-19 unkuypak hampi llaki tiyakta rikunkapa rimanakurka. Kaymanta shamuk sayllapi shuk willayta kachanka.
Kamachiy killkakkuna Mamallaktapi hampi kipikuna, hampina hillaykuna, kullki illakta, hatun yachakkuna, hampikkunata kamana ñan illakta rikurka.
Chaymanta hampi kullka rikuna, mikunata ama yalli kullkipi katuchun, hampikunata yalli kullkipi katuna kachun rikurka, kay llakikunamanta llankashun rimarka.
Runakuna paykunallatak unkuymanta mana anchurikta hamirka, istallaktamanta kay llaktamanta runakuna tikramunata mana ushakta rimarka, istallaktaman manuta tikrachinatamanta, allí willaykuna illakta, hampina wasikunaman mikunata chayachinata, ancha unkushkakunaman, ayayashka runakuman hampita, mikunata mana chayachishkata rimanakurka.
Shinallatak tukuripika, hampikkuna, hampi yanapakkuna, hampiwan llankakkuna unkuywan takarikukwan yanaparirka; shinallatak Fuerzas Armadas kamachikwan, Policía Nacional kamachikwan, bomberos kamachikwan, COE kamachikwan yanaparirka.
Kay rimanakuypi kak kamachiy killkakkunaka: William Garzón, Michel Doumet, Manuel Ochoa, Carlos Vera, Patricia Henríquez, Guadalupe Salazar, Ángel Sinmaleza; Rosa Verdezoto, Sebastián Palacios, Nancy Guamba, José Alguasaca y Wendy Vera karka. Yapa: Lira Villalba, Roberto Gómez, Alberto Arias kamachiy killkakkuna karka.
RSA/cz/jc-kichwa
