Kay Comisión de Soberanía Alimentaria tantari, Lenin Plaza Castillo pushashka, allichishka Para Desarrollo de la Acuicultura y Pesca kamachiyta rikuy kallarirka.
Kay kamachiywan chalwaypi, yakupi llankaykunata ñawpak pushanka, shimi runakuman achka llankaykuna mirarinka, kullkipash sapan ayllupi tiyanka.
Kay rikuymanta willayta manarak killkashpa shamuk chashka puncha rikushpa katinkapa kamachiy killkakkuna tantarinka, chaypimi Mamallakta Pushak 23 nikimanta, 229 nikikama allichishkata rikunka, shnami Mamallakta Tantanakuyta imatalla allichichun mañashkata paktachinka.
Kipaman pawkar killapi, shamuk awaki, 30 puncha, chaypi sumakrurak tantari killkashkata rikunka, katipika Mamallakta Hunta tantari atinakuchun kay kamachiy hawa willayta killkanka.
Mamallakta Pushakpak achka rikuykunami kamachiypak wallpalla kan, kamachiy ukutaka mana rikushkachu, ashalla nikikunami kamachiy ukuta allichichun rikuchin. Chaytamai kamachiy killkakkuna ashtawan allichinka, kipaman mashna nikikuna kakpipash arininka.
Shulktak manyamanta rikushpaka 11 kamachiy killkakkunamanta, tawkakunami Mamallakta Pushak alli mikuna tiytachun mushuk llankaykunata churachun, allí achka mikuna tiyachun mañarka, wakin marka kamachikkuna, mikuna llaktamanta kitikunaman apamuchun ñanta `paskana nirka, allí uksi mikunata llankaymi kallaripi kana kan nirka.
EG/cz/jc-kichwa
