Kay Soberanía Alimentaria Minkarishka, Lenin Plaza Castillo pushakuy, shamuk hunkaypak llaktapi kullki llankayta, tarpuyta pushkakunata kayachirka, paykuna imalla llankana riksichishkata kaypi willachun, kayshina llaktapi llankakunata kay unkuy llakipi chimpapuranapak, ashtawankarin, shullapak, uchilla, maltalla llankak ayllukunata yanapanapak.
Tantanakuyka, chayapi kak iskun kamachi killkakpak ari shitaywanmi llaktapi llankay wasi pushakkunata kayachinapak arinirka, ashtawankarin llankakkunata yanapanapak shinallatak mañashka kullki pakta kutichinapakpash. Chaypakka, Junta Política de Regulación Monetaria y Financiera, de la Corporación Nacional de Fomento (CFN) y de BanEcuador pushakkunatami kayachinka.
Chayshinaka, Tarpukkunata yanapanapi imashina llankaykuna paktakushkata willachun, Agricultura shinallatak Producción llankay wasi pushakkunatami kayachinka. Shinallatak, llaktapi llankak ayllukuna tantanakuy pushaktapash, paykunapak kawsay imashinalla paktakushkata yachanapak kayanka.
Kay rimanakuyka virtual llikapi kashpapash, kamachi killkakunaka Mamallakta Tantanakuymanta tukushina llankak ayllukunata kay llakita chimpapuranapak yanaparinata yuyarirkakuna, kay pachaka llaktami harkarishka kawsakun.
Kayshina maynapika, Soberanía Alimentaria Minkarishkapi tarpukkuna, wiwata wiñachikkunapash kay wakllirimanta llukshinapak yanapayta allichikun, rikuchishka killkata llakta pushak kullkimanta utkashpa ruranapak shuk kamachiy rurana killkapi churachun kayachinka.
Kamachi killkakunaka tarpuk runakunapak kullki kutichina pachakuna allichinalla mana kana kanchu, ashtawanpash kullki mañachinata mirachina, chikanyachishpa, shuktak yanapaykunawanpash, nirka.
EG/cz/ceguacu
