Pablo Jurado, Congope tantankuyta pushakka, Gobiernos Autónomos Descentralizados tantanakuykunaka mushuk pacto territorial suyu llankaypak ñami allichikunchik kaypi pushayta, rurayta, paktaytapash hapinkapak, shinapash llankaypak kullkita chayachishkawan. Shinallatak, kay Cootad kamachiy mushukyashka tukuy kamachiykuna mushukyanapak kallariymi kan kan, shinami Llaktapak kawsayta mushukyachishpa GAD tantanakuy kikin llankayta paktanka, nin.
“Kay mushukyayka llaktakuna kikin llankayta paktachunmi yanapana kan; mushuk pushay kallarinapak rikuchina kan, Ecuador llakta ayllukunapak allí kawsayman paktachun”, nirkami.
Raúl Delgado, AME tantanakuyta pushak, rimarishpaka nirka, Cootad kamachiyka municipalidades tantanakuy llankanapakmi, imalla rurana yuyayta rikuchin shinallatak llakta pushakkmanta kullkita llankaypak chayachinata, imallapi paktarina hayñitapashmi rikuchin.
AME tantanakuyka kunanpaklla churashka pichka millka killkata mushukyachina, kaywanka llaktapi suyuta pakta rakinatami achikyachin. Kay llankaypika, AME tantanakuyta pushakka llakta wiñarinapak shinallatak suyu llakta rakinapak pankakunata chayachina pachata mirachichun mañarka, tukuy kamachiytaka aymuray killakamami chayachina kan.
René Lucero, Conagopare tantanakuypak pushak, mamallaktapi 824 juntas parroquiales tantanakuypak shutipi, kamachi killkakkunata ñankunta allichinapak, charina rantinapak kullkita chayachichun kay kamachiy churana kan, nirka.
Kallari yuyaypika, GAD parroquial llankaykuna ashtawan mirachinami ñankunata allichina ushanapak, nirkami, Consejo Provincial pushakkunapak ukupimi llankakunchik. Llakta pushakmanta kullki chayachinaka, 8% patsakman chayachun mana 6% patsaklla kachun kunapi shina, nirka.
Shinallatak charishkata chayachinapakka, achikllatami pakta rikuchina kan kay los Gobiernos Autónomos Descentralizados, Provinciales, Metropolitanos y Municipales tantanakuykuna juntas parroquiales tantanakuyman mutsushkata rikurashpa chayachichun, nirkami.
SV/cz/ceguacu
