Kay Comisión de Régimen Económico tantari ukupi rimanakuypika, Margarita Hernández, Superintendenta de Economía Popular y Solidaria kamachik, payka yaykurishka runakunaman kunkapa 29% patsakri kullkita charinchik nirka.
Chaywan yaykurishka runakuna paykunapak mutsuyta allichinka, willarka.
Chaymanta Kay kullkiwasiman yaykurishkakuna paykunapak kullkita kunankama mana surkushka nirka, chaytaka ayriwa 15 punchakama rikushun nirka.
Kay Hernández kamachik, Economía Popular y Solidaria kullkiwasika paypak kawsayta charin, Mamallaktaman yaykurishka kamachiy killkakkuna kullki wasikunapak llankayta rikushpa katichun mañarka. Runakunata, kullkiwasikunata yanapanarayku Mamallakta Tantanakuyka alli kamachiykunata arinishpa churanka.
Kay kullkiwasimanka 15 waranka kullki tantarimi yaykurishka kan, 12.162 kullki tantarikunami kullki llakita charinka, paykunaka mitachi llankaytami pushan, kamachik rimarka. Chay 200 tantarikunami antawata pushakkuna kan, shuktakkuna sapsi kullki tantarikunami kan. Shinallatak 359 kullkitantarikuna kan, hatun kullkitantari, 7 hunu kullki churakkuna.
Kay 7.798 kullki churakpak washapika, 550 uchilla kulkitantarikunami tiyan, kamachik willarka. Kay 2017 wata, raymi killamanta, 2020 watakama, Conafips kullkiwasika, tarpuykunapak, pallaykunapak 500 yalli huku kullkita mañachirka. Paktana yuyayka uchilla kullkitantarikunapak kullkiwan Economía Popular y Solidaria kullkiwasita sinchiyachinami kan, paykunaka tuta, punchami kullkimanta llankan nirka.
Kamahiy killkakkunapak tapuykunata kamachikka tukuyta tikrachirka. Chaymanta kamachiy killkakkuna chay Superintendencia de Económica Popular y Solidaria kullkiwasiwan mamkita kushpa llankanata yuyarirka, kamachiyta allichishpaka kullki llankaykunata achkata yanapanka nirka.
JLVN/cz/jc-kichwa
