Mamallakta Tantankuy chay Consejo Directorio del Instituto Ecuatoriano de Seguridad Social (IESS), Paúl Granda kamachikta chaskirka, payka hampi kipikunata, shimillita rantishkata willarka.
Kamaywasipak mushuk kapukkuna katunata willankapa willachu kullkita kushkata willarka. Shinami chay llakika kaypilla tukurirka.
Hampi kipikunata rantinkapaka tawka tatkikunata rurashkata willarka, shinami kamachiy killkakkunaman hamutachirka.
chayka: sumakruray willayta, utka rankikushkata, mutsurishkata, rantinkapa kullki mañayta, shuktakkunatapash katirkanchik nirka. Katunkapa kanchis katukkuna rikuriska, chaymanta Almantop katukwasi misharka nishpa willarka.
Awllikka imashina rantishkata, ima pankakunata chayachishkata, kamaywasipak kamachikkuna arinishkata, willarka. Willayllikapi mana allita rikuchikpi, panta willakukpi, Contraloría kamaywasi willachun mañakukpi, Fiscalía kamachik manchachikukpi chaypilla sakishkata willarka.
Kamay karmapi rikushpaka, chay Miguel Ángel Loja kamachikta anchuchirka, payka mashna kullkiwan rantichun nishkamanta, yapa kullkita hapishpa rankishkamanta, Consejo kamachikta mana tapushkamanta llankaymanta anchuchirka. Shinallatak Dirección de Servicios Corporativos kamachikta, Contratación Pública kamachikta anchuchirka. Shinami kay rimanakuyka tukurirka.
MG-SV/cz/jc-kichwa
