Kay Soberanía Alimentaria Minkarishka, Lenín Plaza Castillo pushakushka, kay kullka 2 puncha ayriwa killami, llankak tantanakuykuna sinchiyachun imalla ruraykuna paktanamanta rikushpa kallarinka, ashtawankarin tarpuna, chalwa hapina llankaypi, kayshina tukuy llaktapi Covid-19 unkuy llakita kimpapurankapak.
Kay yanapaykunaka, minkarishka ukupi yuyaypaktarishpa, Mamallakta Tantankuy pushakpakman chayachinka, kaypimi Llakta pushak kullkimanta utkashpa ruranapak shuk kamachiyta allichinapak chayana killkapi kimichichun.
Kay rikuchiy mañaypika kullki wasikunata shinallatak llaktapi kullki llankayta pushakkunatami kayachinapak churashka paykuna uchilla, maltalla rurak llankakkuna kullki kutichina charishka pachakunata mirachichun, wawakullkita ama mañachun, kayshina shina llakimanta kullki kutichina manatak paktarishkamanta, shinallatak kullki mañachinapak ashalla wawakullki achka pachakunatapash churachun, llaktapak kullki wasipash shuktak llankaypak kullkita mañachichunpash.
Kamachi killkakkunaka, mutsurinmi nin, llakita chimpapuranapak, ñukanchik tukuy llaktapilla mana kanchu, astawanpash ista llaktakunapimi kan, llakta pushakkuna kullki llankaypi yanapaytami chayachina kan, tukuy llankakkuna pakta wiñarinapi sinchiyachun, kay shukllapak, uchilla, maltalla llankakunata ashtawan sinchiyachinkapak.
Kallaripi killkashkata kunan tutamanta rimanakurka, Chaska 3 puncha ayriwa killa, kay Comisión de Soberanía Alimentaria Minkarishkapak 43 niki rimanakuypi, chishipakmi kayachishka kan.
EG/cz/ceguacu
