Kay Covid-19 unkuy purikuk pachapi Mamllakta hawa llaktapi sisapi llankakkunata llankaymanta surkushkata rikuchun Comisión de los Derechos de los Trabajadores tantarita kayarka, kunan puncha, Mamallakta chinchapi sisa tarpukkunapak mañayta riksirka.
Kay unkuy rikurishkata huchachishpa Tabacundo llaktamanta, 2000 waranka runakuna, sisa tarpuypi llankakkunata, llankaymanta surkunkapa kayashkata, Mónica Alemán kamachiy killkak rimarka.
Shinami llankakkunapak hayñita pakishka nirka. Kay Código de Trabajo 169 nikipak, 6 yupayta paktachichun, llankakwasiyukta, llankachikkunata kayarka. Mamallakta churashka hayñita Defensor del Pueblo kamachik, llankakkunapak hayñita ukllachun mañarka.
Paymanta Carlos Vallejo Burneo amawta, Pedro Moncayo llaktapi, Cayambe llaktapi llankakkunapak shutipi, tawka watata sisa tarpuypi, pallaypi llankakkunata rikushpa llankakwasikuna kay tuputa churashka nirka. Kay 2500 llankakkunapak ukupi kimsa niki watayuk, paykuna llankaymanta llukshinkapa karka, tisiku runakuna, chichu warmikuna llankan, rimarka.
Shinallatak chay Ministerio de Trabajo kamaywasiman riksichina nirka, paymi kay punchakunamanta, chuskuchunka punchata samarikushkamanta Kamachiypak 169 nikipak, 6 yupayta hamutachinka nirka. Kay tiksiwan tukuy sisa tarpuykunata rikuna, mutsurikpika imashina wanachinata rikuna nirka, shinallatak mana kamachiy surkushka runakunata, chay IESS kamaywasi rikunata charin, llankayta mana charishkamanta kawsachun kullkita kuchun mañana kan nirka.
Shinallatak Efraín Ortega Ledesma, yallik CONFITECA llankakwasipi llankak, llankaypi rukuyashkamanta kullkita kuchunn mañarka, kaytaka Llankay Kamachiymi kun rimarka. Kutin Luis Chica, llankaywasipi llankakkukunapak kamachiy yachak, 169 nikipika, 140 llankakkunata llankaymanta surkuna mana tiyanchu, rimarka.
RSA/cz/jc-kichwa
