Kay Comisión Ocasional tantaripi rimanakuypika imillakuna 14 watayukmanta llakichikpi, paykunapak hayñita ukllankapa kamachiywan huchachishka kanka, kaymi sinchi rimankuy karka.
Kaytami kishpiychik paktachina kan, nirka. Kaytami Libro del Sistema de Responsabilidad Penal de Adolescentes y Justicia Especializada nikipi rimanakurka, chayka Código Orgánico de la Niñez y Adolescencia (CONA) kamachiy ukupi kan nirka.
Kamachiywan katinkapaka, llaktarunakunapak, llaktakunapak chikan chikan kawsayta, tisiku runakunapak kawsayta yapa riksina kan.
Shinami 12 watayukta, 14 watayukta riksina kan, paykuna huchata charikpika ashalla watakunata wanachina kachun nirka. Chay atinakuypimi Defensoría Pública kamachik, Consejo de Igualdad Intergeneracional kamachik, Pacto por la Niñez y Adolescencia kamachik, Dirección Nacional de Acceso a la Justicia del Consejo de la Judicatura kamachik karka.
Chay 16 watata paktachik imillakunamanka paykunapak yachana, tantarina, allikawsana, pukllana hayñikunata paktachichun tupukunata churana, kishpirishka kanata mana kichuna nirka. Kutin 16 wata hawaman charikkuna huchata charikpika, hawalla huchachina, hawalla wanachina kachun nirka, ashalla pachapak wanachina kachun, rimarka.
Kari, warmi wawakuna hatun huchata rurakpipash mana wanachishka kankachu, shinami kay Código kamachiy riman nirka. Ima mana allita rurakukta, shuwakukta, waktakukta rikushpa huchachikpi, imamanta mana allí ñanta yachachishkamanta tayta mamami huchata aparin, ima manu kakpipash paykunami Kishpiychik kamachikpak ñawpakpi tiktachinata charin, chaytaka 48 sayllapimi paktachina kan. Chaymanta pachami imashina kamanata, sumakruray tuputa rikuchinata charin, rimarka.
Kamachiy killkak Encarnación Duchi, Tantarita pushak, CA mañashkashinaka, kay ayriwa killa tukuripimi kallari atinakuypak ña willayta chayachina kan nirka. Shinapash Tantari ukupi yuyaykuna mana achiklla kan nirka, chaychu Comisión Permanente de la Niñez makiman rin, mana kashpaka Comisión de Derechos Humanos makiman rin, chaymi mana achiklla kan, nirka. Chay Función Legislativa kamachik allichirikpimi chayka killarinka, rimarka.
JLVN/cz/jc-kichwa
