Kay Ministro de Producción, Iván Ontaneda kamachik, Mamallakta Tantanakuypak 663 yupay rimanakuypi kullki llakita, katuykuna llakirishkata, istamanta rantimuna, istaman kapukkunata katuna llakirishkata willarka.
Kay llakikunaka Covid-19 hatun unkuymantami kan, rimarka, kutintak kapukyachina tupukunamantapash rimarka.
Kay 70 % patsakri kapukyachikkuna mana llankan, 30 % ashta llankan, paykunaka (hampimanta, mikunamanta) ashtawankarin llankan, chaymanta 4.730 hunu, dólar kullki katuna urmashka nirka, mintalaypi (-2.625,64) kullki; siraypi, awaypi (-775,55) kullki;(-228,78) kullki tarpuypi, wakra wiñachipi, sachaypi, chalwa hapinapi urmashka; mitachipi (-1.071,71) kullki; shuktakuna (-28,34) kullki urmashka, willarka.
Kay unkuy purikuy pachakunaka, unkuy ama runakunata, kamachikkunata, llaktayukkunata, tukuy mashna karita, warmita, wawakunata, imillakunata, yuyay runakunata ama unkuy hapichun hampi kipikunata, kushpa, mikunata kushpa kamana llankayta charinchik nirka. Shinami katuna wasikuna, katuna pampakuna, hatun katunana wasikuna ama wicharichun llankakunchik nirka.
Chaymanta, 30 llankak wasikunawan, tantarikunawan makita kushpa runakuman, llaktayukkuman mikunata, hampita, yakunata, pichana pintukunata, shuktak mutsurishkunata chayachishkanchik nirka. Chaypimi 15 000 llankakwasikuna paykuna rurashka kapukkunata kay ñukanchik llakta ukupi katushka, istallaktakunamanpapsh katushka, rimarka.
Kay Ministro de la Producción kamachik rimashkakipa, 15 kamachiy killkakkuna, paykunapak mushuk yuyaykunata, mushuk llankaykunata churarka. Kamachikpak yuyaywan, kamachiy killkakunapak yuyaywan shuklla tukurka, chaymanta tukuy Ecuador llaktapi kawsak runakuna shuklla, sinchi tukushpa Covid-19 hatun unkuyta harkashun, kipaman kullkita, llankkayta hatarishun, rimarka.
Mamallakta Tantanakuyta pushak, César Litardo, chaypi kamachikkuna kakta rikushpa, arinishka Fomento Productivo kamachiy, Emprendimiento kamachiy, Pesca kamachiy llankay kallarichun, uchilla kamachiyta killkachun mañarka, chay kamachiykuna Mamallaktapak kunan llakita allichinkapa yanapanka, rimarka.
MG/cz/jc-kichwa
