Kay tuta, Mamallakta Pushan kachashka Covid-19 unkuyta harkana utka kamachiyta Mamallakta Tantanakuy chaskirka.
Chayka Apoyo Humanitario para Combatir la Crisis Sanitaria Derivada del Covid-19 Hatun kamachiymi kan; shuktak kamachiyka Para el Ordenamiento de las Finanzas Públicas shutimi kan.
Kay Apoyo Humanitario kamachiyka pichka tiksikunatami charin, chayka: yanapana llika, yanapana tupukuna, allikana kan.
Wakcha runakunata yanapankapa kullki punkuta churana, kullkita mirachinkapa llankayta tankanka, llankaykunata unipak wiñachina, kullkita mañachikkunawan, kullkita mañashpa manukkunawan kullki tikrachina yuyarita charichun yanapanka.
Sarun punchakuna Mamallakta Pushak, Lenín Moreno, kikin runakuna 500 kullkita killapi hapikka, killapi asha asha iskun killakama churanka. Llankakwasikuna 2018 watamanta, killapi shuk hunuta, mana kashpa chay chani paktata hapik kashpaka 5 % patsakrita churanka, kay kullkitaka kimsakutin killapi kachanka.
Shinami Mamallakta Pushak, Kipapushak, Mamallaktapak hatun kamachikkuna killapi hapina kullkimanta, 50 % patsakri kullkita churanka. Tukuylla awllikkuna 1000 dólar kullkita hapikkunaka 10 % kullkita churanka, kay kullkimanta yallita killapi hapikkunaka mashnata kikin runa killapi hapina maruta katishpami churanka.
Kay kullkichuraytaka tukuylla allikawsaypi, (kallari, tiksi, chawpi) yachaypi, kamaypi, wayanpi, paktachik kamaypi llankakkuna llankaykullkimanta mana churankachu. Mamallaktapak shuktak awllikkunaka kay Kamachiypi imashina rikuchishkatami churanka.
Kay Kamachiyka Código Orgánico de Finanzas Publicas kamachiyta, Sistema Nacional de Contratación Pública kamachiyta, Aviación Civil kamachiyta; Fabricación, Importación, Exportación, Comercialización y Tenencia de Armas, Municiones, Explosivos kamachiyta mushukyachinka. Kay kamachiyka tukuylla Plan Nacional de Desarrollo llankayta, Planificación Nacional llankayta mashkan, Mamakamachiywan kimirishpami llankanka.
CZ/EA/jc-kichwa
