Kay Comisión de Fiscalización y Control Político tantari, Johanna Cedeño Zambrano kamachiy killkak pushashka, Javier Solórzano Salazar, Gobernanza y Vigilancia de Salud kipa hatun kamachik willayta chaskinka.
Chaymanta payka Mamallakta chay covid-19 unkuyta takankankapa hampi hillaykunata, hampi kipikunata rantimuna hawa riksichinka.
Tantariman yaykurishka kamachiy killkakkunaka, hamik kamachikkuna, hampikkunata, hampikta yanapakkunata, runakunata chapakkunata, awkakunata, runakunata imashina kamashkata willachun mañanka. Kay coronavirus unkuy hawan imashina hampina ukupi, hampina wasikunapi runakunata unkuyta charik, mana charikta chapakushkata willachun mañana.
Shinallatak kamachiy killkakkunaka coronavirus unkuyta takankankapa hampi hillaykunata, kipikunata charina, runakunata kamanata willachun atinka. Shinallatak chay hatun unkuyta harkankapa hampita, hampi hillayta wakaychina ukupi charikta willachun mañanka.
Kay Comisión de Fiscalización y Control Político tantari, 95 yupay tantarita charinka, chayka kunan puncha, 16h00 sayllata kallarinka, chay rimanakuyka karumanta rimanakushpa pusharinka, chaypi kamachiy killkakkuna rimayta charinka, paykunapash yuyaykunata churanka.
EG/cz/jc-kichwa
