Tukuy kamachi killkakkunami kay Régimen Económico Minkarishkapi Ley Orgánica de Ordenamiento de Finanzas Públicas kamachiyta imashina allichinapakka niki niki killkatami llankashpa arininka, hatun yuyaypika Fondo de Estabilización Fiscal tantanakuyta wiñachin kaywanmi llaktapi yachayta hampinatapash imashina kullkita chayachinapak sumaychan. Kay kullkika llaktapi charishkata mintalashkamanta llukshinka kayshinami Presupuesto General del Estado churashkata paktashun.
Minkarishkapi yuyarirkami Ministerio de Finanzas, Banco Central, Servicio de Rentas Internas, Secretaría Técnica Planifica Ecuador tantanakuy pushakkunata kay kamachiy imashina paktanata rimanakunka, shinallatak shukllapak, llaktapakpash kullki llankayta yachak ayllukunata, markapi, kitipipash gobiernos autónomos descentralizados pushakkunata, centro de competitividad e Innovación pushakta, llaktayukkuantapashmi kamachiypi yuyaykunata chayachichun kayanka.
Minkarishkapak rimanakuyka 07H00 pachami tukuy punchakuna paktarinka kay kamachiy rurarina killkata pakta allí rimanakushpa katinapak shinallatak yuyaykunata killkashpa kachachinapakpash. Ashtawankarin llaktayukman riksichina pichka punchatami sumaychashun shinallatak kay materia económica kamachiyta allí yuyaykunawan sinchiyachinkapak, kashnami Ley Orgánica de la Función Legislativa kamachiy rikuchun, nirkami.
Rikuchina mutsurinmi tawka kamachiykunata mushukyachishpaka wata kullki llankanata mana kuyuchishpami llaktapi kullki llankaytami sinchiyachishun, shinallatak kullki kamayukkuna pakta llankashpa kullki chayachichun ama wakllirichunpash rikuranka. Shinallatak, llaktapi kullki llankay hatun yuyay, pakta yanapay chayanata, mamakamachiypi rikuchishka manu kullki chashkishpa katinata, kullki tukuchinata, rikuranata, paktanatapash achikyachinka.
Kamachiy rurana killkata riksina
Kay rimanakuypika, Comisión de Régimen Económico Minkarishkami, Ley del Sistema Nacional de Contratación Pública kamachiy allichinata, Fafo Gavilánez y Juan Carlos Yar kamachi killkakkuna chayachirka. Kay riksichik ayllukunaka nirkami llankanapak yuyay paktarishkapimi yalli charishka, llakichikkuna tantanakushka, llaktayukkuka riksishkapash rikurin chaymi allichinapak tiyakun kayshinami shuk kamak tantanakuykuna, kamachik rukunakuna, achkata charikkunapash Ecuador llaktawan ama llankayta charichun harkashun.
Minkarishkata pushak, Daniel Mendoza nirkami kay chayachishka killkata kayshun killkawan tantachishun kayshina pakta rimanakuyta kamachiy allichinapi katinkapak.
Shinallatak, Minkarishka kamachi killkakkuna Ley orgánica de Protección de Empleos y Recuperación del Sector Privado, Ley de Quiebras killkata chaskirka, Guillermo Celi runami chayachirka. Minkarishka ayllukunaka Consejo de Administración Legislativa (CAL) tantanakuyman chayachinata yuyarirkakuna, Comisión de Desarrollo Económico minkarishkami riksina kan, paykunami kay económico urgente rurana Ley Orgánica de Apoyo Humanitario killkapi llankakun, kay yuyaykunaka paktarina shinami rikurin, nirka.
JLVN/cz/ceguacu
