Kay Derechos de los Trabajadores Minkarishkapi llankaymanta yuyaykunatami kay Ley de Apoyo Humanitario kamachiy Crisis Sanitaria Derivada del Covid-19pi llakita churanapak rimanakurka, Kamachi killkakkunaka kay Desarrollo Económico Minkarishkaman chayachina yuyaykunatami riksishpa arinirkakuna.
Vicente Taiano, Mamallakta Tantanakuyta kipa pushak, pacha llankanapak kayachina allimi, shinapash seguridad social tukuy yanapayta chaskina kan. Kaywanka, ninmi, llankak shuyakushkata paktachin, llankachik wasikunapash yanaparin. Shuktakmantaka, llankayta mirachin, kayshina llankaywanka runakuna mushuk llankaypi kimirichun kayachin, yachaywan pachakuna paktakpika, tawka ayllukuna llankay ushan.
Kay contrato especial emergente yuyarinakuyka, paktana pachakunapaklla ashtawanka mushuk mintalay charinapak, llankayta mirachinapak, kullki llankay kuyurinapakmi yanapanka, charina mintalaypi, yanapaypipash runakuna llankanapak miranka, kaykutinka llankayta llaktapi mirachinapak mashkakuypi, mintalay katinami ashktawan mirakun, ashtawan llankak runakunata mutsun, ninmi.
Nirkami, kay contratos especiales yuyarinapak rantika, plazo fijo llankayta yuyarina kanchik mashna pacha llankanata achikyachishpa. Fausto Terán kamachi killkakka kay contrato emergente yuyarinata achikta rikuna kanchik ama hayñikunata wakllichichun ninmi.
Bairon Valle Runaka, llankaymanta manu kullki mañanata shitarirka. Manu kullki chayachinata kutin rikuchun kayachirka, nirkami waranka pichka patsak dólar kullkimanta wichiman mañana nirka. Kay niki killkawanka mamakamachiypi rikuchishkata wakllichin, ashtawanpash, kullki llankayta sinchiyachinapakka, ayllukunapak charina kullkitami ukllana kanchik, nirka..
Kikinmanta, Marcela Holguín runapash, kay contrato especial de emergente, samana pachakuna ñawpanchiyta anchuchinami kan; kay 10% patsakta llaktapak llankak ayllukunapak killa kullki ashayachinata anchuchina, nin.
Tawka kamachi killkak runakuna kay Minkarishka ukupi llankakkuna shuk killkapi pakta yuyariman chayanaka mana paktankachu nin, Roberto Gómez kamachi killkakka llankaypi pakta yuyaykuna tiyachun paktarichunpash nirka. Minkarishka ayllukunaka shuk yuyayta rikuchik marutami rurana kan kaypika kamachik killkakuna yuyashka, niki nikimanta, shinallatak Desarrollo Económico Minkarishkapi imashinalla yuyaypaktarishkata rikuchinka.
Llankakkuna Rimarishka
Kay yuyaykunata rimanakuyka kaya puncha 16h00 pacha chishimi kutin katinka. Minkarishka chaskinkami Richard Gómez, kay Central Unitaria de Trabajadores tantanakuyta pushak; Edgar Sarango, kay Confederación de Trabajadores del Ecuador tantanakuyta pushak; Cristóbal Buendía, Procurador de la Federación Nacional de Trabajadores Públicos y Privados del Ecuador tantanakuyta pushakkunata chaskinka.
Shinallatak, Agustín Lindao, coordinador Nacional de la Red de Maestros Tantanakuyta pushak; Raúl Clemente Ledesma Huerta, llankaymanta yachak shinallatak ex ministro de Trabajo runatapashmi chaskinka.
RSA/cz/ceguacu
