Kay Comisión de Participación Ciudadana y Control Social tantari, Raúl Tello pushkak, chay Covid 19 hatun unkuy hawa Minkashka llankay hayñunata charinkapa tawka tupukunata churachun, Antsisuyupak kullkita llankachichun mañan.
Kallaripika yachachikkunaman ama yapa llankayta churachun, yachakukkunaman ama yapa ruraykunata churachun mañan.
Chaymanta hampik amawtakunaman, hampikta yanapakkunaman paykuna wañunkakama llankaypi shutichichun mañan, paykunami kallari wachupi kashpa unkuyta harkakun, rimarka.
Kay tukuylla llaktay, awllikkunata, llankakkuna paykunapak rurayamanta, llankaymanta ama surkuchun atin, kay unkuy llaki tiyak hawa llankakkuna surukushkamanta kutintak tikrachimuchun, kay llakita rurashkakunaka Mamakamachiywan, kamachiywan takarin nirka.
Kay Ministerio de Salud kamaywasi, Hospital Inmunológico Alfredo J. Valenzuela de Guayaquil hampik wasimanta surkushka llankakkunata kutintak llankaypi churachun, kay Acuerdo de Mediación de fecha 23 de diciembre del 2019 yuyari pankata ama pakichun mañarka, shinami Mamallakta Tantanakuypak chay Comisión de Participación Ciudadana y Control Social ukupi killkashka kan.
Antisuyupi ruranakunaka: kay Economía y Finanzas, Richard Martínez kamachik, killapak sapan kallari chunka punchapi, manarak kayashkashpa chay Fondo Común kullkiman (4 %) patsakri kullkita kachachun mañarka, chay Secretaría Técnica de la Circunscripción Territorial Especial Amazónica kamaywasi antisuyu llaktakunapi tiyak mutsuykunata allichichun. Kay llankayta Para la Planificación Integral de la Circunscripción Territorial Especial Amazónica kamachiypak 61 nikiwan kimirin nirka.
RSA/cz/jc-kichwa
