Régimen Económico Minkarishka kay Ordenamiento de las Finanzas Públicas kamachiypak 40 niki killkatami 49 killkamanta anirka, ishkay niki kay 6 niki shinallatak 47 niki killka anchurirka; shinallatak 7 niki killkata apushitanapak mana paktarkakuna.
Kay 2, 11, 16, 31, 33, 34 y 39 niki killkakunami mana apushitayta paktarka. Minkarishkata pushak, Daniel Mendoza runaka, tukuy kamachi killkakunata yuyaykunata allichichun kay niki killkatapash arinishpa apushitankapak nishpa kayachirka. Kay rimanakuyka Mamallakta Tantanakuypi shuk niki rimanakuy killkita arinina ñawpami kanka, kunan 20h15 pacha tutami rimanakunka.
Arininapak mana apushitayta paktashka niki killkakunaka, llaktapak llankakta rakinapakmi rikuchin; kay 81 niki killkapika regla fiscal rikuymanta rimakun; kay programación fiscal plurianual y anual paktarinamanta; llaktapak mashnakama kullki mañanata; kay 124 niki killkata kay Código de Planificación y Finanzas Públicas kamachiymanta anchuchiyka llakta mashka kullki kutichinamanta rikuchin; kay 125 niki killkapika Coplafit tantarimi Gobiernos Autónomos Descentralizados tantanakuykuna mashnakama kullki mañata rikuchin; shinallatak, kay Notas del Tesoro paktaypash.
Anchuchishka niki killkakunaka llaktapi kullkiwan llankay kallarinamanta shinallatak llankanapak akllarishka tantanakuyman ñawpanchishka kullki chayachinamanta rimarka.
Kamachi killkakunaka, llankanapak yuyarishkata katishpa, rurarina kamachiytaka niki nikimi killkata shukllanchishpa arinirkakuna kay kamachiyka llaktapak kullki llankayta sinchiyachinata shinallatak kullkita charishpa katinatami rikuchin.
Daniel Mendoza runaka nirkami kay killkapika Minkarishkaman chayamukpak yuyaykunata shinallatak kamachi killkakunapak yuyaytami tantachishkanchik, ashtawanpash, Llakta pushak kachashka killkata mushukyachishunmi. Nirkapashmi mana tukuy mañashkata kimichiy ushanchikchu, shinapash llaktapak finanzas públicas allichina yuyaywanmi llankashkanchik.
Niki killkata arininkapak minkarishkakuna llankanapak rikuchishka killaktami katishpa llankarkakuna, kaypika kimsa paktaymi tiyarka. Kamachi killkakuna shukmanta rimarirkami, nishpaka, rimanakuy yuyaypi ashtawan kimirikta rikurashpa. Kimsa yuyaypika Llakta pushak kachashka nikita anchuchinapak, kay Código de Planificación y Finanzas Públicas kamachiypi killkata charishpa katinapak yuyaywan.
Rimanakuypika, kamachiy killkakunaka llaktapak kullki llankay paktanapakka regla fiscal kamayta paktana nirka, shinapash Gobiernos Autónomos Descentralizados y de la Seguridad Social kikin llankayta rikurashpa, kaypika Instituto Ecuatoriano de Seguridad Social (IESS), Instituto de Seguridad Social de la Policía Nacional (Isspol) y del Instituto de Seguridad Social de las Fuerzas Armadas (Issfa) tantanakuykunami kimirin.
Mendoza runaka kay económico urgente kamachiyta apushitashka kipaka, ñami Mamallakta Tantanakuypi tukuykuna shuk niki rimanakuypi riksinapak killakta llankakunchik, nirka.
JLVN/cz/cg-kcw
